టాలీవుడ్‌లో ఇప్పుడు టాప్ కొరియోగ్రాఫర్ ఎవరంటే అందరూ శేఖర్ మాస్టర్ పేరు చెప్పాల్సిందే. ఇక టాలీవుడ్ హీరోయిన్లలో ది బెస్ట్ డ్యాన్సర్ ఎవరు అంటే అందరూ శ్రీలీల పేరు చెబుతుంటారు. ఈ ఇద్దరూ కలిసి ఓ స్టెప్పు వేస్తే ఎలా ఉంటుందో ప్రత్యేకంగా చెప్పాల్సిన పని లేదు. తెర మీద శేఖర్ మాస్టర్ కంపోజ్ చేసే స్టెప్పులు శ్రీలీల వేస్తుంటుంది. కానీ శ్రీలీల, శేఖర్ మాస్టర్ కలిసి స్టెప్పులు వేస్తే ఎలా ఉంటుందో చూపించేశారు.
నితిన్ వక్కంతం వంశీ కాంబోలో సినిమా రాబోతోన్న సంగతి తెలిసిందే. ఎక్స్ ట్రా ఆర్డినరీ మెన్ అంటూ నితిన్ మరో ప్రయోగాన్ని చేస్తున్నాడు. నా పేరు సూర్య తరువాత వక్కంతం వంశీ చేస్తోన్న ప్రాజెక్ట్ కావడంతో అందరిలోనూ ఓ మంచి అంచనాలే ఉన్నాయి. ఇన్నాళ్లు కసి మీద ఉండి కథ, స్క్రిప్ట్‌ను రాసుకుని ఉంటాడని, ఈ సినిమా కచ్చితంగా హిట్ అవుతుందని అంతా అనుకుంటున్నారు. తాజాగా ఈ మూవీ నుంచి ఫస్ట్ సింగిల్‌ను రిలీజ్ చేశారు.
హారీస్ జయరాజ్ చాలా రోజుల తరువాత తెలుగు సినిమాకు సంగీతాన్ని అందిస్తున్నాడు. ఆయన మెలోడీ పాటలకు తెలుగులో మంచి క్రేజ్ ఉంటుందన్న సంగతి తెలిసిందే. హారీస్ జయరాజ్ పాటలకు సపరేట్ ఫ్యాన్ బేస్ ఉంటుంది. అయితే నితిన్ శ్రీలీల కోసం హారీస్ జయరాజ్ మంచి మెలోడీ పాటను ఇచ్చాడు. డేంజర్ పిల్లా అంటూ సాగే ఈ పాట ఇప్పుడు యూట్యూబ్‌లో ట్రెండ్ అవుతోంది. షార్ట్స్, రీల్స్‌లోనూ ఈ పాట వైరల్ అవుతోంది.
తాజాగా ఈ పాటకు శ్రీలీల, శేఖర్ మాస్టర్ స్టెప్పులు వేశారు. డేంజర్ పిల్లా అంటూ శేఖర్ మాస్టర్, శ్రీలీల వేసిన స్టెప్పులకు నెటిజన్లు ఫిదా అవుతున్నారు. అయితే అందరూ కూడా శేఖర్ మాస్టర్ కంటే శ్రీలీల మీదే జనాలు ఎక్కువగా ఫోకస్ పెడుతున్నారు. శ్రీలీల ముందు శేఖర్ మాస్టర్ తేలిపోయాడన్నట్టుగా కామెంట్లు పెడుతున్నారు. అసలే శ్రీలీల స్ప్రింగులా డ్యాన్సులా వేస్తుంటుందన్న సంగతి తెలిసిందే. ప్రస్తుతం ఈ డ్యాన్స్ వీడియో అయితే నెట్టింట్లో ట్రెండ్ అవుతోంది.
View this post on Instagram
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
Home