ఈ ఏడాది ‘బంగార్రాజు’ సినిమాతో ప్రేక్షకులను అలరించిన నాగచైతన్య ఇప్పుడు ‘థాంక్యూ’ సినిమాతో ఆడియన్స్ ముందుకు రాబోతున్నారు. ఇటీవల విడుదలైన ఈ సినిమా టీజర్ ప్రేక్షకులను ఆకట్టుకుంది. దీంతో సినిమాపై అంచనాలు ఏర్పడ్డాయి. ఈ సినిమా సెట్స్ పై ఉన్నప్పుడే రెండు సినిమాలు ఓకే చేశారు చైతు. తమిళ దర్శకుడు వెంకట్ ప్రభుతో ఓ సినిమా కమిట్ అయ్యారు. అలానే ‘సర్కారు వారి పాట’ దర్శకుడు పరశురామ్ తో మరో సినిమా చేయనున్నారు.
అయితే ఈ రెండు సినిమాల్లో ముందుగా వెంకట్ ప్రభు సినిమాను మొదలుపెడతారట. తెలుగు, తమిళ భాషల్లో ఈ సినిమాను తెరకెక్కించనున్నారు. ఈ సినిమాను శ్రీనివాస చిట్టూరి నిర్మించనున్నారు. జూలై లేదా ఆగస్టు నెలలో ఈ సినిమా రెగ్యులర్ షూటింగ్ మొదలుపెట్టనున్నారు. ఈ సినిమాలో హీరోయిన్ గా ఎవరిని తీసుకోవాలనే విషయంపై ఇద్దరు యంగ్ హీరోయిన్లను సంప్రదిస్తున్నట్లు తెలుస్తోంది. వారెవరంటే.. శ్రీలీల, సాక్షి వైద్య. ‘పెళ్లి సందడి’ సినిమాతో యూత్ లో మంచి క్రేజ్ సంపాదించుకుంది శ్రీలీల.
దీంతో ఈమెకి టాలీవుడ్ లో అవకాశాలు పెరిగాయి. ఇప్పటికే అరడజనుకి పైగా సినిమాలు కమిట్ అయింది. ఇక సాక్షి వైద్య.. అఖిల్ నటిస్తోన్న ‘ఏజెంట్’ సినిమాతో టాలీవుడ్ లో ఎంట్రీ ఇవ్వబోతుంది. ఈమెని కూడా ఒక ఆప్షన్ గా కన్సిడర్ చేస్తున్నారు దర్శకనిర్మాతలు. ఈ ఇద్దరిలో ఒకరిని చైతు సరసన హీరోయిన్ గా తీసుకోబోతున్నారు. త్వరలోనే ఈ విషయంపై క్లారిటీ రానుంది.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home