Sreeleela Dance: శ్రీలీల క్లాసికల్ డ్యాన్స్ కు ఫ్యాన్స్ ఫిదా.. ఎవ్వరూ చేయలేరంటూ?

కొన్ని నెలల క్రితం వరకు నంబర్ వన్ హీరోయిన్ గా కెరీర్ ను కొనసాగించిన శ్రీలీలకు గతంతో పోలిస్తే మూవీ ఆఫర్లు తగ్గాయి. కథల ఎంపికలో పొరపాట్లతో పాటు కొన్ని తప్పులు చేయడం శ్రీలీల పాలిట శాపమైంది. అయితే తాజాగా శ్రీలీల క్లాసికల్ డ్యాన్స్ చేయగా అందుకు సంబంధించిన వీడియో నెట్టింట వైరల్ అవుతోంది. శ్రీలీల అదరగొట్టారని ఫ్యాన్స్ కామెంట్లు చేస్తుండగా ఆ కామెంట్స్ వైరల్ అవుతున్నాయి. వింటేజ్ శ్రీలీలను చూసినట్టు ఉందని పెళ్లిసందడి శ్రీలీల గుర్తొస్తోందని నెటిజన్లు కామెంట్లు చేస్తున్నారు.

హైదరాబాద్ లో జరిగిన సమతా కుంభ్ కార్యక్రమంలో శ్రీలీల గోదాదేవి వేషధారణలో క్లాసికల్ డ్యాన్స్ చేశారు. 10 నిమిషాల పాటు నాన్ స్టాప్ గా డ్యాన్స్ చేసిన శ్రీలీల డ్యాన్స్ విషయంలో అదరగొట్టారనే చెప్పాలి. శ్రీలీల డ్యాన్స్ వీడియో నెట్టింట వైరల్ అవుతుండగా ఆ వీడియోను చూసి ఫ్యాన్స్ ఎంతగానో సంతోషిస్తున్నారు. శ్రీలీల క్లాసికల్ డ్యాన్స్ బ్యాక్ డ్రాప్ లో ఏదైనా సినిమాను ఎంచుకుంటే బాగుంటుందని నెటిజన్లు ఫీలవుతున్నారు.

శ్రీలీల అసలైన డ్యాన్స్ ఇదీ అంటూ ఫ్యాన్స్ కామెంట్లు చేస్తున్నారు. గతంలో కూడా శ్రీలీల ఎన్నో డ్యాన్స్ పర్ఫామెన్స్ లు ఇచ్చారు. శాస్త్రీయ నృత్యం నాలో భాగమని చాలా చిన్నప్పుడే నా ప్రయాణం మొదలైందని శ్రీలీల పేర్కొన్నారు. మా ట్రూప్ కు బాలెట్ అని పేరు అని శ్రీలీల వెల్లడించారు. శ్రీలీల త్వరలో కొత్త ప్రాజెక్ట్ లను ప్రకటించనున్నారని తెలుస్తోంది. కథల ఎంపికలో, పాత్రల ఎంపికలో శ్రీలీల మరింత జాగ్రత్తగా ఉండాల్సిన అవసరం అయితే ఉంది.

ఇతర భాషలపై కూడా శ్రీలీల (Sreeleela) ఫోకస్ పెడితే ఆమెకు కెరీర్ పరంగా తిరుగుండదని చెప్పవచ్చు. సినిమా కెరీర్ ఎక్కువ కాలం ఉండేలా శ్రీలీల కెరీర్ ను ప్లాన్ చేసుకోవాల్సి ఉందని కొంతమంది నెటిజన్లు కామెంట్లు చేస్తున్నారు. శ్రీలీలలా ఎవ్వరూ డ్యాన్స్ చేయలేరంటూ ఆమె వీరాభిమానులు కామెంట్లు చేస్తున్నారు.

ఆపరేషన్ వాలెంటైన్ సినిమా రివ్యూ & రేటింగ్!

భూతద్ధం భాస్కర్ నారాయణ సినిమా రివ్యూ & రేటింగ్!
చారి 111 సినిమా రివ్యూ & రేటింగ్!