Sreeleela: కార్తీక్ ఆర్యన్‌కు గుడ్ బై చెప్పేసి.. తిలక్ వర్మతో శ్రీలీల డేటింగ్ మొదలుపెట్టిందా?

టాలీవుడ్ స్టార్ హీరోయిన్ శ్రీలీల(Sreeleela) అప్పకూచి అని అందరికీ తెలిసిందే. ఎక్కడికి వెళ్లినా ఆమె వెంటే తన తల్లిని కూడా రక్షణ వలయంలా తీసుకెళ్తూ ఉంటుంది.

Sreeleela

‘ అమ్మ పక్కనే ఉంటే నేను ఎవరితో ప్రేమ వ్యవహారాలు నడపగలను’ అంటూ మొన్నామధ్య స్వయంగా శ్రీలీలే ఫన్నీగా స్పందించింది. కానీ నిన్నటివరకు బాలీవుడ్ యంగ్ హీరో కార్తీక్ ఆర్యన్‌తో శ్రీలీల ప్రేమలో ఉన్నట్టు ప్రచారం జరిగేది.

కొన్ని ప్రైవేట్ పార్టీలకి వీళ్ళు కలిసి హాజరవ్వడం.. ఆ టైంలో కొంతమంది ఫొటోగ్రాఫర్లు వీళ్ళని కెమెరాల్లో బంధించడం, అటు తర్వాత వినాయక చవితి పూజల కోసం శ్రీలీల తన తల్లితో కలిసి ముంబైలోని కార్తీక్ ఇంటికి వెళ్లడం.. అందులో భాగంగా తనకు డాక్టర్ కోడలు కావాలని కార్తీక్ తల్లి ఆశపడుతూ కామెంట్లు చేయడం వంటివి.. శ్రీలీల- కార్తీక్ ఆర్యన్ డేటింగ్ రూమర్స్ కి మరింత బలాన్ని చేకూర్చాయి అని చెప్పాలి.

అంతేకాదు స్వయంగా శ్రీలీల తల్లి కొన్ని డిజిటల్ హ్యాండిల్స్ తో.. ఈ డేటింగ్ వార్తలను దగ్గరుండి ప్రచారం చేయించినట్టు కూడా చాలా మంది చెప్పుకొచ్చారు.అయితే ఉన్నట్టుండి శ్రీలీల ఓ క్రికెటర్ ప్రేమలో ఉన్నట్టు ప్రచారం మొదలవ్వడం అందరికీ షాకిచ్చే అంశం. విషయం ఏంటంటే..కార్తీక్ ఆర్యన్‌తో బ్రేకప్ చెప్పేసి శ్రీలీల మరోకొత్త రిలేషన్‌షిప్‌ను ప్రారంభించినట్లు టాక్ సోషల్ మీడియాలో టాక్ మొదలైంది.

శ్రీలీల కొత్తగా డేటింగ్ మొదలుపెట్టిన వ్యక్తి మరెవరో కాదు టీమిండియా క్రికెటర్ తిలక్ వర్మ అని తెలుస్తోంది.వీరిద్దరూ ఏడాది కాలంగా పీకల్లోతు ప్రేమలో ఉన్నట్టు ప్రచారం ఊపందుకుంది. కొన్ని నెలల క్రితం శ్రీలీల తన తల్లితో కలిసి తిరుమల శ్రీవారిని దర్శించుకున్న సమయంలో తిలక్ వర్మ కూడా అక్కడే కనిపించాడు. ఈ విషయం అందరికీ తెలిసిందే. అంతేకాదు, ధర్మశాలలో జరిగిన ఐపీఎల్ మ్యాచ్‌లో శ్రీలీల తల్లి ముంబై ఇండియన్స్ ఆటగాళ్లతో ముచ్చటించడం కూడా హాట్ టాపిక్ అయ్యింది.

అక్కడితో అయిపోలేదు అటు తర్వాత ముంబైలోని వాంఖడే స్టేడియంలో జరిగిన టీ20 వరల్డ్ కప్ మ్యాచ్‌కు శ్రీలీల ప్రత్యేకంగా హాజరయ్యింది. మరి వీటిలో ఎంతవరకు నిజముందో.. శ్రీలీల- తిలక్ వర్మ వ్యవహారం ఎంతవరకు వెళ్తుందో చూడాలి.

సీనియర్ నిర్మాత మృతి