Ram,Sreeleela: క్రేజీ ఛాన్స్ కొట్టేసిన శ్రీలీల!

October 6, 2022 / 12:57 PM ISTByFilmy Focus

Join Us

Ram,Sreeleela: క్రేజీ ఛాన్స్ కొట్టేసిన శ్రీలీల!

హీరో రామ్ రీసెంట్ గా ‘ది వారియర్’ సినిమాతో ప్రేక్షకుల ముంచుకొచ్చారు. భారీ అంచనాల మధ్య విడుదలైన ఈ సినిమా సరైన విజయాన్ని అందుకోలేకపోయింది. ప్రస్తుతం రామ్.. బోయపాటి దర్శకత్వంలో ఓ సినిమా చేయడానికి రెడీ అవుతున్నారు. అక్టోబర్ 6 నుంచి ఈ సినిమా రెగ్యులర్ షూటింగ్ జరగనుంది. ఈ సినిమాలో హీరోయిన్ గా ‘ఏజెంట్’ బ్యూటీ సాక్షి వైద్యను తీసుకున్నట్లు వార్తలొచ్చాయి. కానీ అందులో నిజం లేదని తెలుస్తోంది.

బుధవారం నాడు దసరా సందర్భంగా ఈ సినిమాకి సంబంధించిన అప్డేట్స్ ను వెల్లడించింది చిత్రబృందం. ఇందులో రామ్ సరసన శ్రీలీల హీరోయిన్ గా కనిపించనుంది. ‘పెళ్లి సందD’ సినిమాతో టాలీవుడ్ లో హీరోయిన్ గా ఎంట్రీ ఇచ్చిన ఈమెకి ఇప్పుడు వరుస అవకాశాలు వస్తున్నాయి. ప్రస్తుతం ఆమె నటించిన ‘ధమాకా’ సినిమా విడుదలకు సిద్ధంగా ఉంది. ఇంతలో మరో ఛాన్స్ కొట్టేసింది. అలానే మ్యూజిక్ డైరెక్టర్ గా తమన్ ను ఆన్ బోర్డ్ చేశారు.

ఈ మధ్యకాలంలో వరుస మ్యూజికల్ హిట్స్ తో దూసుకుపోతున్న తమన్.. రామ్ కి సినిమా ఎలాంటి ట్యూన్స్ అందిస్తారో చూడాలి. శ్రీనివాసా చిట్టూరి ఈ సినిమాను నిర్మిస్తున్నారు. ఇదిలా ఉండగా.. ఈ సినిమాకి సంబంధించిన రెండు వార్తలు సోషల్ మీడియాలో చక్కర్లు కొట్టాయి. తమిళ స్టార్ శివ కార్తికేయన్ ఈ సినిమాలో నటిస్తున్నాడనే ప్రచారం జరిగింది. అలానే కథ ప్రకారం రామ్.. బాలయ్య ఫ్యాన్ గా కనిపించబోతున్నాడనేది మరో వార్త.

అయితే ఈ రెండు వార్తల్లో నిజం లేదని.. ఇవి కేవలం రూమర్స్ మాత్రమేనని చిత్రబృందంలో కొందరు చెబుతున్నారు. ఈ సినిమాకి సంబంధించిన మరిన్ని వివరాలు తెలియాల్సివున్నాయి.