ఎన్టీఆర్, బాబీ చిత్రంలో శ్రీదేవి కి ఇంపార్టెంట్ రోల్

జనతా గ్యారేజ్ తర్వాత యంగ్ టైగర్ ఎన్టీఆర్ చేయనున్న మూవీ పనులు ఊపందుకున్నాయి. బాబీ దర్శకత్వంలో రూపుదిద్దుకోనున్న తారక్ 27 వ చిత్రానికి  ప్రీ ప్రొడక్షన్ వర్క్ శరవేగంగా జరుగుతోంది. ఎన్టీఆర్ ఆర్ట్స్ బ్యానర్లో నందమూరి కళ్యాణ్ రామ్ వందకోట్ల బడ్జెట్ తో  నిర్మిస్తున్న ఈ ఫిల్మ్ ఈనెల 26 నుంచి షూటింగ్ జరుపుకోనుంది. ఈ చిత్రానికి సంబంధించిన ఆసక్తికర సంగతి బయటికి వచ్చింది. ఇందులో ఎన్టీఆర్ కి అత్తగా అతిలోక సుందరి శ్రీదేవి నటించనున్నట్లు తెలిసింది. ఇందుకోసం డైరక్టర్ బాబీ రీసెంట్ గా ముంబై వెళ్లి శ్రీదేవి కి కథ చెప్పి ఒప్పించినట్లు సమాచారం.

మహానటుడు నందమూరి రామారావు బ్యానర్లో తెలుగు చిత్ర పరిశ్రమకు రీ ఎంట్రీ ఇస్తున్నందుకు ఆమె సంతోషంగా ఉన్నట్లు డైరక్టర్ సన్నిహితులు తెలిపారు. అంతేకాదు ఎన్టీఆర్ అత్త పాత్రకు కథలో మంచి వెయిట్ ఉండడంతో సంతోషంగా అంగీకరించినట్లు వెల్లడించారు. ‘నట విశ్వరూప’ అనే టైటిల్ ను పరిశీలిస్తున్న ఈ మూవీలో యంగ్ టైగర్ మూడు పాత్రల్లో మెప్పించనున్నారు.

Also, do SUBSCRIBE to our YouTube channel to get latest Tollywood updates.