టాలీవుడ్లో మల్టీస్టారర్లు కుదరడం అంత సులభం కాదు. కొన్ని కుదిరినట్లే కుదిరి నిరాశపరుస్తాయి. అలా చాలా ఏళ్లుగా టాలీవుడ్లో ఇంకా చెప్పాలటే సౌత్లో నానుతున్న మల్టీస్టారర్ కమల్ హాసన్ – వెంకటేశ్ సినిమా. చాలా ఏళ్ల క్రితం ఈ సినిమా గురించి వరుసగా వార్తలొచ్చాయి. కథకు సంబంధించి ప్రధానమైన పాయింట్ కూడా సిద్ధమైపోయింది అని అన్నారు. ప్రముఖ దర్శకుడు శ్రీకాంత్ అడ్డాల ఈ సినిమా దర్శకత్వం వహిస్తారని కూడా అన్నారు. తాజాగా దీని గురించి శ్రీకాంత్ అడ్డాల స్పందించారు.
కమల్ హాసన్ – వెంకటేశ్తో ఓ మల్టీస్టారర్ సినిమా అనుకున్న విషయం వాస్తవమే. ఆ ఆలోచనతోనే కథ సిద్ధం చేయడం ప్రారంభించా. అయితే కథ, కాంబినేషన్ విషయంలో ఇంకాస్త స్పష్టత రావాలి అనిపించింది. దాంతో ఆ సినిమా విషయం ఇంకా తేలడం లేదు. త్వరలో దానిపై పూర్తి స్పష్టత సాధించి… సినిమా పనులు ప్రారంభిస్తా. ముందుగా అనుకున్నట్లే ఈ చిత్రాన్ని గీతా ఆర్ట్స్ సంస్థ నిర్మిస్తుంది అని శ్రీకాంత్ అడ్డాల చెప్పారు.
‘సీతమ్మ వాకిట్లో సిరిమల్లె చెట్టు’తో పెద్ద హీరోల మల్టీస్టారర్ను బాగా హ్యాండిల్ చేయగలరని శ్రీకాంత్ అడ్డాల పేరు తెచ్చుకున్నాడు. ఆ సమయంలో కమల్ – వెంకీ సినిమా పాయింట్ బయటికొచ్చింది. ఇప్పుడున్న పరిస్థితుల్లో అప్పుడనుకున్న కథ ఓకే అవుతుందా? అనేది చూడాలి. లేదంటే శ్రీకాంత్ అడ్డాల మరో కథతో ముందుకొస్తారేమో తెలియాలి. అన్నట్లు ‘నారప్ప’ తర్వాత శ్రీకాంత్ కొత్త సినిమా ఇంకా ఏదీ ఓకే అవ్వలేదు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
