టాలీవుడ్ లో ఫ్యామిలీ ఎంటర్టైనర్లను తెరకెక్కించడంలో మంచి పేరు సంపాదించుకున్నాడు దర్శకుడు శ్రీకాంత్ అడ్డాల. ఆయన తెరకెక్కించిన ‘కొత్త బంగారు లోకం’, ‘సీతమ్మ వాకిట్లో సిరిమల్లె చెట్టు’ లాంటి సినిమాలు భారీ విజయాలను అందుకున్నాయి. మహేష్ బాబు హీరోగా ఆయన చేసిన ‘బ్రహ్మోత్సవం’ సినిమా డిజాస్టర్ కావడంతో తన తదుపరి సినిమా చేయడానికి చాలా సమయం తీసుకున్నాడు. ఫైనల్ గా ‘అసురన్’ రీమేక్ గా ‘నారప్ప’ను తెరకెక్కించాడు.
అమెజాన్ ప్రైమ్ లో ఈ సినిమా విడుదలకు సిద్ధంగా ఉంది. ఈ సినిమా ప్రమోషన్స్ లో భాగంగా శ్రీకాంత్ అడ్డాల కొన్ని ఆసక్తికర విషయాలను చెప్పుకొచ్చాడు. తన తదుపరి సినిమా గురించి కూడా మాట్లాడాడు. ‘నారప్ప’ తరువాత శ్రీకాంత్ అడ్డాల ఎలాంటి సినిమా చేయబోతున్నాడనే విషయంలో క్లారిటీ వస్తోంది. ‘అన్నాయ్’ పేరుతో ఓ భారీ యాక్షన్ సినిమా చేయబోతున్నాడట శ్రీకాంత్ అడ్డాల. గుంటూరు నేపథ్యంలో ఈ సినిమా నడుస్తుందని చెప్పారు. ఈ సినిమాను మూడు భాగాలుగా తెరకెక్కించాలని ప్లాన్ చేస్తున్నారట.
ప్రముఖ నిర్మాణ సంస్థ గీతాఆర్ట్స్ బ్యానర్ లో ఈ సినిమా చేయనున్నట్టు సమాచారం. అయితే ఈ సినిమాలో హీరోగా ఎవరు నటిస్తున్నారనే విషయంలో ఇంకా క్లారిటీ లేదు. నిజానికి గీతాఆర్ట్స్ లో సినిమా చేయడానికి శ్రీకాంత్ అడ్డాల ఇదివరకే అడ్వాన్స్ తీసుకున్నారు. ‘నారప్ప’కి ముందే ఈ బ్యానర్ లో సినిమా చేయాలి కానీ కుదరలేదు. ఇప్పుడు ఈ బ్యానర్ లో ప్రాజెక్ట్ పూర్తి చేయనున్నారు!
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home