‘కొత్త బంగారు లోకం’, ‘సీతమ్మ వాకిట్లో సిరిమల్లెచెట్టు’ సినిమాతో ప్రేక్షకులను అలరించిన దర్శకుడు శ్రీకాంత్ అడ్డాల.. ఆ తరువాత ‘బ్రహ్మోత్సవం’ లాంటి డిజాస్టర్ తో షాకిచ్చాడు. దీంతో అతడి కెరీర్ లో బాగా గ్యాప్ వచ్చింది. రీసెంట్ గా ఓ రీమేక్ సినిమాతో ప్రేక్షకుల ముందుకు వచ్చాడు శ్రీకాంత్ అడ్డాల. అదే ‘నారప్ప’. తమిళంలో సూపర్ హిట్ అయిన ‘అసురన్’ సినిమాకు రీమేక్ గా దీన్ని తెరకెక్కించారు. అమెజాన్ ప్రైమ్ లో విడుదలైన ఈ సినిమాకి మిశ్రమ స్పందన వచ్చినప్పటికీ..
వ్యూయర్ షిప్ మాత్రం బాగానే వచ్చింది. ఇప్పుడో సొంతకథతో సినిమా చేయడానికి ప్రయత్నాలు చేస్తున్నాడు ఈ డైరెక్టర్. కుటుంబ నేపథ్యమున్న కథతో మెగాస్టార్ చిరంజీవిని కలిశాడని.. ఆయన్ను ఇంప్రెస్ చేశాడని గుసగుసలు వినిపిస్తున్నాయి. చిరు కూడా కథ విని సానుకూలంగా స్పందించారని అంటున్నారు. ఈ సినిమాలో గెస్ట్ రోల్ ఒకటుందని.. దానికోసం అల్లు అర్జున్ ని సంప్రదిస్తున్నారని కూడా ప్రచారం జరుగుతోంది. మొత్తానికి శ్రీకాంత్ అడ్డాల చాలా పెద్ద ప్లానే వేశాడు.
కానీ ప్రస్తుతం చిరు తన కెరీర్ లో చాలా బిజీగా ఉన్నారు. ‘ఆచార్య’ సినిమాను పూర్తి చేసిన ఆయన ‘గాడ్ ఫాదర్’ షూటింగ్ లో పాల్గొంటున్నారు. ఈ సినిమా తరువాత బాబీ, మెహర్ రమేష్ లాంటి దర్శకులతో కలిసి పని చేయనున్నారు. మరి శ్రీకాంత్ అడ్డాలకు డేట్స్ ఎప్పుడు ఇస్తారో చూడాలి!
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్ భామల రెమ్యూనరేషన్‌ ఎంతంటే?
