Srinu Vaitla: ‘ఢీ’ సీక్వెల్ కి సమస్య అతనే.. అందుకే కుదరట్లేదు: శ్రీను వైట్ల

శ్రీను వైట్ల.. గతంలో స్టార్ డైరెక్టర్ గా ఓ వెలుగు వెలిగారు. ఆ తర్వాత వరుస ప్లాపులు పడటంతో రేసులో వెనుకబడ్డారు. శ్రీను వైట్ల తెరకెక్కించిన సినిమాల్లో ‘ఢీ’ చాలా స్పెషల్ మూవీ అని చెప్పాలి. ఎందుకంటే ఇందులో ఓ కొత్త తరహా ఎంటర్టైన్మెంట్ ఉంటుంది. మంచు విష్ణు కెరీర్లో బ్లాక్ బస్టర్ సినిమా అంటే ఇదే. శ్రీను వైట్ల టాలెంట్ ఏంటి అనేది ఈ సినిమాతో బయటపడింది. గోపి మోహన్, కోన వెంకట్..ల రైటింగ్ కూడా ఈ సినిమాకి బాగా ప్లస్ అయ్యింది. జెనీలియా హీరోయిన్ గా నటించిన ఈ చిత్రం శ్రీహరి ఓ ముఖ్య పాత్ర పోషించాడు.

Srinu Vaitla

శ్రీను వైట్లకి శ్రీహరికి పర్ఫెక్ట్ సింక్ కుదిరింది ఈ సినిమాతోనే అని చెప్పాలి. ఆ తర్వాత శ్రీను వైట్ల తెరకెక్కించిన ‘కింగ్’ సినిమాలో కూడా శ్రీహరి మంచి పాత్ర పోషించారు. ఇదిలా ఉంటే.. కొన్నాళ్ల క్రితం ‘ఢీ’ సీక్వెల్ తెరకెక్కిస్తున్నట్టు శ్రీను వైట్ల ప్రకటించారు. ‘ఢీ అండ్ ఢీ'(డబుల్ డోస్) అనే సినిమాని పట్టాలెక్కించాలని శ్రీను వైట్ల భావించారు.హీరో మంచు విష్ణు ఈ చిత్రాన్ని నిర్మించాల్సి ఉంది. ఫరియా అబ్దుల్లా హీరోయిన్ అనుకున్నారు. కానీ ఎందుకో ఈ సినిమా పట్టాలెక్కలేదు.

ఇందుకు గల కారణాన్ని తాజాగా శ్రీను వైట్ల తెలిపారు.’ ‘ఢీ’ సీక్వెల్ అనేది ఇప్పుడు అసాధ్యం. ఎందుకంటే శ్రీహరికి రీప్లేస్మెంట్ దొరకడం లేదు. అందుకే ఆ ప్రాజెక్టు కార్యరూపం దాల్చలేదు’ అంటూ చెప్పుకొచ్చారు శ్రీను వైట్ల. ‘విశ్వం’ సినిమా ప్రమోషన్స్ లో భాగంగా శ్రీను వైట్ల ఈ విషయం పై స్పందించారు. ఆ సినిమా అక్టోబర్ 11న విడుదల కాబోతోంది.

ఓజీ రిజల్ట్ పై థమన్ కామెంట్స్ వైరల్.. నమ్మకం నిజమవుతుందా?