మెగాహీరో సినిమాలో తమన్!

సంగీత దర్శకుడిగా తెలుగు ఇండస్ట్రీలో అగ్ర స్థానంలో ఉన్న తమన్ కు నటనేమీ కొత్త కాదు. నిజానికి
తను యాక్టర్ అవ్వాలనే ఇండస్ట్రీకి వచ్చాడు. ఈ నేపధ్యంలో శంకర్ దర్శకత్వంలో ‘బాయ్స్’సినిమాలో కీలకపాత్ర పోషించాడు. ఆ తరువాత మాత్రం సంగీతం వైపు మనసు మళ్లడంతో అటు బిజీ అయిపోయాడు. దీంతో తనకు నటనకు అవకాశాలు లేకుండా పోయాయి. అయితే మరోసారి ఈ మ్యూజిక్ డైరెక్టర్ మొహానికి రంగు వేసుకోవడానికి రెడీ అవుతున్నాడు.

తమన్ ప్రస్తుతం మెగాహీరో సాయి ధరమ్ తేజ్ నటిస్తోన్న ‘తిక్క’ సినిమాకు సంగీతం అందిస్తున్నాడు. అయితే ఈ చిత్ర దర్శకుడు సునీల్ రెడ్డి తమన్ ను ఓ గెస్ట్ పాత్రలో నటించమని అడిగారట. దానికి తమన్ ఒకే చెప్పడం జరిగిపోయింది. తమన్ కు సంబంధించిన సన్నివేశాలు అతి త్వరలోనే చిత్రీకరించనున్నారు.