ఈ మధ్యకాలంలో ఏ సినిమాకి రానంత బజ్ ‘జాతి రత్నాలు’ సినిమాకి వచ్చింది. సినిమా టీజర్, ట్రైలర్ లు ప్రేక్షకులను ఆకట్టుకోగా.. దానికి తగ్గట్లే ప్రమోషన్ కార్యక్రమాలు నిర్వహించి మంచి హైప్ ని తీసుకొచ్చారు. తాజాగా ఈ సినిమా ప్రేక్షకుల ముందుకు వచ్చింది. ఇప్పటివరకు చూసినవారంతా కూడా సినిమాకి పాజిటివ్ రివ్యూలు ఇస్తున్నారు. ముఖ్యంగా ఈ తరం ఆడియన్స్ కి ఈ సినిమా బాగా కనెక్ట్ అవుతుంది. అయితే ఈ సినిమాలో కొన్ని సర్ప్రైజ్ లు ఆడియన్స్ ని థ్రిల్ చేస్తున్నాయి.
టాలీవుడ్ సెన్సేషన్ స్టార్ విజయ్ దేవరకొండ, స్టార్ హీరోయిన్ కీర్తి సురేష్ లు ఈ సినిమాలో గెస్ట్ రోల్స్ లో కనిపించారు. సినిమా ఫస్ట్ హాఫ్ లో కీర్తి సురేష్ కనిపించగా.. సెకండ్ హాఫ్ లో విజయ్ దేవరకొండ కనిపించి ప్రేక్షకులను ఆశ్చర్యపరిచాడు. వీరిద్దరి క్యామియో రోల్స్ జనాలను ఎంటర్టైన్ చేశాయనే చెప్పాలి. కీర్తి, విజయ్ లు దర్శకుడు నాగ్ అశ్విన్ కి మంచి స్నేహితులనే సంగతి తెలిసిందే. తొలిసారి ‘జాతి రత్నాలు’ సినిమాతో నిర్మాతగా మారిన నాగ్ అశ్విన్ ఈ సినిమాలో తన స్నేహితులు విజయ్, కీర్తి సురేష్ లతో గెస్ట్ రోల్స్ చేయించడం విశేషం.
ప్రమోషన్స్ లో ఎక్కడా కూడా ఈ విషయాన్ని బయటపెట్టకుండా.. ఆడియన్స్ ని థ్రిల్ చేయాలని ప్లాన్ చేశారు. అది బాగానే వర్కవుట్ అయింది. విజయ్ దేవరకొండకి థియేటర్లో చూసి దాదాపు ఏడాది కాలం గడుస్తోంది. ఇప్పుడు ‘జాతి రత్నాలు’ సినిమాలో అతడు గెస్ట్ రోల్ చేశాడని తెలుసుకున్న ఫ్యాన్స్ సినిమా చూడడానికి ఆసక్తి చూపిస్తున్నారు. ప్రస్తుతం విజయ్ దేవరకొండ ‘లైగర్’ సినిమాలో నటిస్తున్నాడు. పూరి జగన్నాథ్ డైరెక్ట్ చేస్తోన్న ఈ సినిమాలో అనన్య పాండే హీరోయిన్ గా నటిస్తోంది. మరోపక్క కీర్తి సురేష్ ప్రస్తుతం మహేష్ బాబు సరసన ‘సర్కారు వారి పాట’ సినిమాలో నటిస్తోంది.
Click Here To Read Movie Review
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
