నేచురల్ స్టార్ నాని తాజా చిత్రం “నిన్ను కోరి” నిన్న విడుదలై అందరినీ ఆకట్టుకుంటోంది. ఇందులో హీరోయిన్ గా నటించిన నివేదా థామస్ కి మంచి గుర్తింపును తీసుకొచ్చింది. ఇంతమంచి పాత్ర (పల్లవి) నివేదా కి దొరకడం అదృష్టమని అందరూ చెప్పుకుంటున్నారు. అయితే ఈ పాత్రలో ముందుగా స్టార్ హీరోయిన్ ని సంప్రదించారంట. ఆమె కథ అంతా విన్న తర్వాత చేయనని చెప్పిందట. ఈ విషయాన్ని నిన్ను కోరి నిర్మాతల్లో ఒకరైన కోన వెంకట్ వెల్లడించారు. ఇంతమంచి పాత్రను వదులుకున్న ఆ బ్యూటీ ఎవరంటే.. కోన వెంకట్ కి ఫ్రెండ్ అయిన సమంత. ఆమెకు కథ నచ్చినప్పటికీ …ఈ మధ్య కాలంలో కోన వెంకంట్ హిట్ ట్రాక్ తప్పారని, అందుకే ఛాన్స్ ని రిజక్ట్ చేసిందంట.
ఈ సినిమాలో నటించక పోవడానికి మరో బలమైన కారణం కూడా ఉంది. అదే నాని. నాని సరసన అనగానే సమంత సినిమా చేయనని చెప్పినట్లు తెలిసింది. నాని తో సమంత గతంలో రెండు సినిమాలు చేసింది. అప్పుడు ఏమైందో తెలియదు కానీ మళ్ళీ నానితో నటించడానికి ఆసక్తి చూపించలేదని సమాచారం. ఏది ఏమైనా సమంత ఒక మంచి పాత్రను వదులుకుందని సినీ విశ్లేషకులు అభిప్రాయం పడుతున్నారు.
Also, do SUBSCRIBE to our YouTube channel to get latest Tollywood updates.
