Balakrishna: బాలయ్య సినిమాకు మళ్లీ కష్టాలు మొదలయ్యారా..?

May 30, 2021 / 05:26 PM ISTByFilmy Focus

Join Us

Balakrishna: బాలయ్య సినిమాకు మళ్లీ కష్టాలు మొదలయ్యారా..?

టాలీవుడ్ స్టార్ హీరో బాలకృష్ణ అఖండ సినిమాలో నటిస్తున్న సమయంలో ఆ సినిమాకు హీరోయిన్ సమస్య ఎదురైన సంగతి తెలిసిందే. బాలకృష్ణకు జోడీగా నటించడానికి చాలామంది హీరోయిన్లు నో చెప్పడంతో బోయపాటి శ్రీను చివరకు ప్రగ్య జైస్వాల్, పూర్ణలను ఫైనలైజ్ చేశారు. ఈ ఇద్దరు హీరోయిన్లకు పెద్దగా క్రేజ్ లేదనే సంగతి తెలిసిందే. బాలయ్య అప్ కమింగ్ ప్రాజెక్ట్ కు కూడా హీరోయిన్ సమస్య ఎదురవుతోందని తెలుస్తోంది. బాలయ్య హీరోగా మరికొన్ని నెలల్లో షూటింగ్ ప్రారంభం కాబోతున్న ఒక సినిమాకు హీరోయిన్ కష్టాలు ఎదురవుతున్నాయని తెలుస్తోంది.

ఈ సినిమాలో మెయిన్ హీరోయిన్ రోల్ కోసం దర్శకనిర్మాతలు రకుల్ ప్రీత్ సింగ్ ను సంప్రదించగా రకుల్ ఈ సినిమాలో నటించడానికి ఆసక్తి చూపలేదని సమాచారం. బాలయ్యకు జోడీగా నటించడానికి రకుల్ నో చెప్పడంతో దర్శకనిర్మాతలు మరో హీరోయిన్ ను వెతికే పనిలో పడ్డారని సమాచారం. మరోవైపు ఈ మధ్య కాలంలో రకుల్ కు పెద్దగా ఆఫర్లు రావడం లేదు. తెలుగులో రకుల్ నటించిన మన్మథుడు2, చెక్ సినిమాలు ఫ్లాప్ కాగా వైష్ణవ్ తో కలిసి నటించిన సినిమా రిలీజ్ కావాల్సి ఉంది.

మరోవైపు బాలీవుడ్ ఇండస్ట్రీలో కూడా రకుల్ కు కలిసిరావడం లేదు. ఇలాంటి సమయంలో రకుల్ బాలయ్య సినిమాకు ఓకే చెప్పి బాగుండేదని కామెంట్లు వినిపిస్తున్నాయి. రకుల్ బాలయ్య మూవీ విషయంలో తీసుకున్న నిర్ణయం రైటో రాంగో తెలియాలంటే మరికొన్ని నెలలు ఆగాల్సిందే.