Vijay Devarakonda: ఆ కామెంట్ల వల్ల విజయ్ టచ్ లో లేకుండా పోయాడన్న నటి.. సారీ చెబుతూ?

టాలీవుడ్ ఇండస్ట్రీలో విజయ్ దేవరకొండకు (Vijay Devarakonda) మైండ్ బ్లాంక్ అయ్యే స్థాయిలో ఫ్యాన్ ఫాలోయింగ్ ఉంది. ఫ్యామిలీ స్టార్ (Family Star) సినిమా ఆశించిన ఫలితాన్ని అందుకోకపోయినా విజయ్ దేవరకొండ తర్వాత ప్రాజెక్ట్ లపై భారీ స్థాయిలో అంచనాలు నెలకొన్నాయి. అయితే విజయ్ దేవరకొండకు సారీ చెబుతూ ఒక హీరోయిన్ చేసిన కామెంట్స్ ప్రస్తుతం సోషల్ మీడియా వేదికగా వైరల్ అవుతున్నాయి. విజయ్ తో కలిసి నీ వెనకాలే నడిచి అనే మ్యూజిక్ వీడియోలో నటించిన మలోబిక బెనర్జీ విజయ్ దేవరకొండకు మనస్పూర్తిగా క్షమాపణలు తెలియజేస్తున్నానని వెల్లడించారు.

విజయ్ దేవరకొండకు హిందీ భాష అంటే పెద్దగా ఆసక్తి ఉండదని చెప్పానని అయితే నా మాటలను వక్రీకరించి ప్రచారం చేశారని ఆమె వెల్లడించారు. హిందీ భాష అంటే విజయ్ కు గిట్టదని ఆ భాషను అసహ్యించుకుంటాడని నేను చెప్పకపోయినా చెప్పినట్టు ప్రచారం చేశారని ఆమె తెలిపారు. ఇలాంటి ప్రచారం వల్ల ఒక మంచి స్నేహితుడికి దూరమయ్యానని ఆమె అన్నారు.

నేను సరదాగా అన్న మాటలను సీరియస్ గా రాశారని ఆ వివాదం వల్ల విజయ్ దేవరకొండ నాతో టచ్ లో లేడని ఆమె వెల్లడించారు. విజయ్ ను తప్పు పట్టాలనో, ఇరికించాలనో నేను ప్రత్యేకంగా చెప్పలేదని ఆమె అన్నారు. ఒక ప్రైవేట్ ఆల్బమ్ కోసం విజయ్, మలోబికా కలిసి నటించడం జరిగింది. ప్రైవేట్ సాంగ్స్ ద్వారా బాలీవుడ్ ఇండస్ట్రీలో మంచి గుర్తింపును సొంతం చేసుకున్న మలోబిక తర్వాత రోజుల్లో బెంగాళీ, ఒరియా భాషలలో ఎక్కువ సినిమాలలో నటించారు.

బంగ్లా బిగ్ బాస్ షోలో కూడా ఆమె పాల్గొన్నారు. మలోబిక బెనర్జీ వివరణ ఇచ్చిన నేపథ్యంలో విజయ్ దేవరకొండ ఆమెను క్షమిస్తారేమో చూడాలి. విజయ్ ప్రతి సినిమా పాన్ ఇండియా సినిమాగా తెరకెక్కుతోంది. విజయ్ కెరీర్ ను చాలా జాగ్రత్తగా ప్లాన్ చేసుకుంటున్నారు.