Allu Arjun: అల్లు అర్జున్‌ సినిమా ఛాన్స్‌ కోసం ఆ హీరోయిన్‌ వెయిటింగ్‌… ఎవరంటే?

జాతీయ ఉత్తమ నటుడు / నటిగా నిలవడం అంత ఈజీగా కాదు. ఏదో నటించేస్తోనో, ఫీట్లు చేసేస్తోనో ఆ అవార్డులు ఇవ్వరు. దాని కోసం చాలా కృషి చేయాలి, అది జ్యూరీని మెప్పించాలి. అలా 2021లో కృషి చేసి పురస్కారాలు గెలుచుకున్నారు ఐకాన్‌ స్టార్‌ అల్లు అర్జున్‌, స్టార్‌ హీరోయిన్‌ కృతి సనన్‌. అలాంటి ఈ ఇద్దరు ఇప్పుడు కలసి ఒకే సినిమా చేస్తే.. ఆ ఊహే అదిరిపోతుంది కదూ. చాలామందికి వచ్చిన ఈ ఆలోచనే కృతి సనన్‌కు వచ్చింది. అయితే అది ఆమెకు కాబట్టి కోరిక అనొచ్చు.

‘పుష్ప: ది రైజ్‌’ సినిమాలోని నటనకుగాను అల్లు అర్జున్‌, ‘మిమీ’ సినిమాలోని నటనకుగాను కృతి సనన్‌ జాతీయ అవార్డు గెలుచుకున్నారు. ఈ అవార్డుల ప్రదానోత్సవం సందర్భంగా ఇద్దరూ కలసి సెల్ఫీలు దిగి సోషల్‌ మీడియాలో సందడి చేశారు కూడా. పనిలోపనిగా మీతో నటించాలని ఉంది అని కృతి కూడా అడిగేసింది. ఈ నేపథ్యంలో ఇద్దరు ఉత్తమ యాక్టర్స్‌ కలసి ఎప్పుడు నటిస్తారా? అనే ప్రశ్న మొదలైంది. కృతి కూడా ఇప్పుడు అదే మాట అంటోంది.

కృతి సనన్‌ తెలుగులోకి పరిచయమైంది మహేష్‌ బాబుతో ‘1: నేనొక్కడినే’ సినిమాతోనే. ఆ తర్వాత నాగచైతన్యతో ‘దోచెయ్‌’ చేసింది. అయితే ఆ రెండు సినిమాల ఫలితాలు చేదును మిగిల్చడంతో ఆమె తర్వాత మళ్లీ కృతి టాలీవుడ్‌కి రాలేదు. ఇప్పుడు బన్నీ సినిమాతో వస్తే బాగుండు అని అభిమానులు అనుకుంటున్నారు. అల్లు అర్జున్‌ను మొదటిసారి జాతీయ అవార్డుల వేడుకలో ప్రత్యక్షంగా చూశాను. మేమిద్దరం చాలా విషయాలు మాట్లాడుకున్నాం అని చెప్పింది కృతి.

బన్నీకి (Allu Arjun) నేను అభిమానిని. అతనితో కలిసి పని చేసే క్షణం కోసం ఎదురుచూస్తున్నా. ఎవరైనా దర్శకుడు మా ఇద్దరితో సినిమా తీయాలని ఆశిస్తున్నా. ఆ పని త్వరగా జరగాలని కోరుకుంటున్నాను అని చెప్పింది కృతి. మరి ఆమె ఆలోచనను నిజం చేసే దర్శకుడు ఎవరవుతారో చూడాలి. అయితే త్రివిక్రమ్‌ సినిమా కథానాయికల ఎంపిక ఇంకా పూర్తికాలేదు అని టాక్‌. బోయపాటి శ్రీను సినిమా కథ ఓకే అయ్యి పట్టాలెక్కితే అది కూడా ఆలోచించొచ్చు.

ఆదికేశవ్ సినిమా రివ్యూ & రేటింగ్!

కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!