బుల్లితెర షోలలో ఒకటైన జబర్దస్త్ షోకు చాలా సంవత్సరాల పాటు అనసూయ యాంకర్ గా కొనసాగారు. సినిమాలలో మంచి ఆఫర్లు వచ్చినా, ఇతర ఛానెళ్లలో షోలు చేసినా అనసూయ జబర్దస్త్ కు మాత్రం దూరం కాలేదు. అయితే సుధీర్ ఈటీవీ షోలకు గుడ్ బై చెప్పిన కొన్ని రోజులకే అనసూయ కూడా ఈటీవీ షోలకు తాను దూరం కానున్నానని అధికారికంగా ప్రకటించారు. సాధారణంగా మంచి పేరు తెచ్చిపెట్టిన షోలకు యాంకర్లు దూరం కారు.
రేటింగ్ లతో సంబంధం లేకుండా సుమ పలు టీవీ షోలకు సంవత్సరాల పాటు యాంకర్ గా కెరీర్ ను కొనసాగించారనే సంగతి తెలిసిందే. అయితే జబర్దస్త్ లో అనసూయ స్థానాన్ని భర్తీ చేసే యాంకర్ ఎవరనే చర్చ జోరుగా జరుగుతోంది. ఎక్స్ట్రా జబర్దస్త్ కు యాంకర్ గా వ్యవహరిస్తున్న రష్మీనే ఈ షోకు కూడా యాంకర్ గా వ్యవహరిస్తున్నారని వార్తలు ప్రచారంలోకి వస్తున్నాయి. అయితే సోషల్ మీడియాలో మాత్రం అనసూయకు బదులుగా మంజూషకు చోటు దక్కిందని వినిపిస్తోంది.
యాంకర్ గా మంజూషకు ప్రేక్షకుల్లో, ఇండస్ట్రీలో మంచి పేరు ఉంది. అటు గ్లామరస్ గా ఇటు ట్రెడిషనల్ గా కనిపించే టాలెంట్ ఉన్న యాంకర్లలో మంజూష ఒకరు. సోషల్ మీడియాలో కూడా ఈ హాట్ యాంకర్ కు చెప్పుకోదగ్గ స్థాయిలో ఫ్యాన్ ఫాలోయింగ్ ఉంది. యాంకర్ గా అనుభవం ఉన్న మంజూష ఈ షోకు బాగానే సూట్ అవుతారని నెటిజన్లు భావిస్తున్నారు. ఇతర యాంకర్లతో పోల్చి చూస్తే మంజూష రెమ్యునరేషన్ కూడా తక్కువేననే సంగతి తెలిసిందే.
అయితే మంజూష ఈ షోకు యాంకర్ గా వ్యవహరిస్తున్నారని అధికారిక ప్రకటన రావాల్సి ఉంది. తాజాగా జబర్దస్త్ ప్రోమో రిలీజ్ కాగా ఈ ప్రోమోలో అనసూయ యాంకర్ గా కనిపించారు. అయితే మరో రెండు మూడు వారాల తర్వాత అనసూయకు బదులుగా మరో యాంకర్ యాంకరింగ్ చేసే ఎపిసోడ్లు ప్రసారమయ్యే ఛాన్స్ అయితే ఉంది. ప్రముఖ యాంకర్లు, కమెడియన్లు జబర్దస్త్ కు గుడ్ బై చెబుతుండటం గమనార్హం.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
