చరణ్‌ – శంకర్‌ సినిమా కోసం స్టార్‌ కొరియోగ్రాఫర్‌.. ఫ్రేమ్‌ కోసం వెయిటింగ్‌

చిరంజీవి – ప్రభుదేవా.. ఈ కాంబినేషన్‌ గురించి మెగా ఫ్యాన్స్‌కి తెలిసిందే. ఎన్నో హిట్‌ సాంగ్స్‌ ఇచ్చిన కాంబో ఇది. ఒకటి కాదు, రెండు కాదు చేసిన పాటలన్నీ అద్భుతంగా ఉంటాయి. భారీ స్టెప్స్‌ ఉంటాయి అని చెప్పలేం కానీ.. మాస్‌ స్టెప్పులు మస్తుగా ఉంటాయి అని చెప్పొచ్చు. అలాంటి పాటలు ఇచ్చారు ప్రభుదేవా. ఇప్పుడు ఆ కొరియోగ్రాఫర్‌ మెగా పవర్‌ స్టార్‌కి కొరియోగ్రఫీ చేస్తున్నారని సమాచారం. అవును చరణ్‌ కొత్త సినిమా కోసం ప్రభుదేవా ఓ పాటను కొరియోగ్రఫీ చేస్తారని చెబుతున్నారు.

శంకర్‌ దర్శకత్వంలో దిల్‌ రాజు నిర్మాణంలో చరణ్‌ హీరోగా రూపొందుతోంది. ఈ సినిమాకు కాస్త గ్యాప్‌ ఇచ్చి.. ‘ఆర్ఆర్ఆర్‌’ కోసం అమెరికాలో ప్రచారం చేస్తున్నారు. మార్చి 12న ఆస్కార్‌ వేడుక జరిగిన తర్వాత చరణ్‌ హైదరాబాద్‌ వచ్చేస్తారు. అక్కడికి వారం తర్వాత శంకర్‌ సినిమా మొదలవుతుంది అని సమాచారం. ఈ మేరకు నగరంలో సెట్స్‌ రూపొందిస్తున్నారట. ఆ సెట్స్‌లో చరణ్‌, కియారా అడ్వాణీపై ఓ పాట చిత్రీకరిస్తారట. దానికే ప్రభుదేవా కొరియోగ్రఫీ చేస్తారని సమాచారం.

శంకర్‌ సినిమాల్లో ప్రభుదేవా డ్యాన్స్‌ అంటే మనకు ఠక్కున గుర్తొచ్చేది 30 ఏళ్ల క్రితం వచ్చే సినిమా ‘జెంటిల్‌ మ్యాన్‌’. అందులోని ‘చికు బుకు చికు బుకు రైలే…’ అనే పాట గురించి ఎంత చెప్పినా తక్కువే. ఇక ప్రభుదేవా ఇటీవల చిరంజీవికి ‘తార్‌ మార్‌ తక్కర్‌ మార్‌…’ అంటూ అదిరిపోయే సాంగ్‌ ఇచ్చారు. ఇప్పుడు చరణ్‌కి ఎలాంటి పాట ఇస్తారు అనేది చూడాలి. అలా అటు శంకర్‌కు, ఇటు మెగా ఫ్యామిలీకి హిట్‌ సాంగ్స్‌ ఇచ్చిన ప్రభుదేవా..

చరణ్‌కి ఎలాంటి స్టెప్స్‌ కంపోజ్‌ చేస్తారో చూడాలి. సినిమా వర్గాల సమాచారం ప్రకారం అయితే.. ఆ పాట ఫుల్‌ మాస్‌ నెంబర్‌ అని తెలుస్తోంది. అయితే ప్రభుదేవా ఒక్కరే కొరియోగ్రఫీ చేస్తారా? లేక ఇటీవల ప్రభుదేవా చేస్తున్నట్లు థీమ్‌ చెప్పి.. చేయిస్తారా అనేది చూడాలి.

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!