Yogi Babu: స్టార్ కమెడియన్ యోగిబాబు రెమ్యునరేషన్ ఎంతో మీకు తెలుసా?

July 1, 2023 / 08:03 AM ISTByFilmy Focus

Join Us

Yogi Babu: స్టార్ కమెడియన్ యోగిబాబు రెమ్యునరేషన్ ఎంతో మీకు తెలుసా?

కోలీవుడ్ స్టార్ కమెడియన్లలో ఒకరైన యోగిబాబుకు ప్రేక్షకుల్లో మంచి క్రేజ్ ఉందనే సంగతి తెలిసిందే. యోగిబాబు కామెడీ టైమింగ్ కు తమిళనాట ఎంతోమంది ఫ్యాన్స్ ఉన్నారు. స్టార్ హీరోల సినిమాలలో, పాన్ ఇండియా ప్రాజెక్ట్ లలో యోగిబాబుకు వరుసగా సినిమా ఆఫర్లు వస్తున్నాయి. కొత్త సినిమాలకు డేట్లు కేటాయించడం కూడా యోగిబాబుకు కష్టమవుతోందని సమాచారం అందుతోంది. అయితే ఈ స్టార్ కమెడియన్ తన పారితోషికాన్ని ఊహించని స్థాయిలో పెంచేశారని ఇండస్ట్రీ వర్గాల్లో వినిపిస్తోంది.

స్టార్ హీరోలు, స్టార్ హీరోయిన్ల స్థాయిలో (Yogi Babu) యోగిబాబు పారితోషికాన్ని డిమాండ్ చేస్తున్నారని తెలుస్తోంది. రోజుకు 18 లక్షల రూపాయల చొప్పున ఈ స్టార్ కమెడియన్ రెమ్యునరేషన్ తీసుకుంటున్నారు. కోలీవుడ్ ఇండస్ట్రీలో కమెడియన్ల కొరత ఉండటంతో నిర్మాతలు ఈ రేంజ్ లో ఇస్తున్నారని తెలుస్తోంది. మరోవైపు యోగిబాబుకు టాలీవుడ్ ఇండస్ట్రీ నుంచి కూడా చెప్పుకోదగ్గ స్థాయిలో ఆఫర్లు వస్తున్నాయని సమాచారం అందుతోంది.

యోగిబాబును అభిమానించే అభిమానుల సంఖ్య పెరుగుతుండగా సోషల్ మీడియాలో కూడా యోగిబాబుకు ఫ్యాన్ ఫాలోయింగ్ పెరుగుతోంది. యోగిబాబు రెమ్యునరేషన్ ను భారీగా పెంచడంతో చిన్న సినిమాలకు యోగిబాబు డేట్స్ దొరకడం కష్టమవుతోందని కామెంట్లు వ్యక్తమవుతున్నాయి. యోగిబాబు ఇటీవల బిచ్చగాడు2 సినిమాతో మరో భారీ సక్సెస్ ను ఖాతాలో వేసుకున్నారు. లవ్ టుడే సినిమాలో యోగిబాబు కామెడీ టైమింగ్ నెక్స్ట్ లెవెల్ లో ఉందనే సంగతి తెలిసిందే.

యోగిబాబుకు స్టార్ హీరో విజయ్ ఎక్కువగా సినిమా ఆఫర్లు ఇస్తున్నారు. సినిమా సినిమాకు యోగిబాబు రేంజ్ పెరుగుతోందని కామెంట్లు వ్యక్తమవుతున్నాయి. యోగిబాబు రెమ్యునరేషన్ ను కొంతమేర తగ్గిస్తే బాగుంటుందని మరి కొందరు అభిప్రాయాలను వ్యక్తం చేస్తున్నారు. తెలుగులో బ్రహ్మానందం, సునీల్, వెన్నెల కిషోర్ ఏ స్థాయిలో సక్సెస్ అయ్యారో తమిళంలో యోగిబాబు అదే స్థాయిలో సక్సెస్ అయ్యారు.