స్టార్ డైరెక్టర్లు కొంతమంది హీరోల సినిమాల్లో చిన్న చిన్న పాత్రల్లో కనిపించడం మనం చూస్తూనే వస్తున్నాం. తెలుగులో పూరి జగన్నాథ్ దర్శకత్వంలో తెరకెక్కిన ‘నేనింతే’ చిత్రంలో వినాయక్ నటించాడు. ‘ఏమాయ చేసావే’ చిత్రంలో పూరి జగన్నాథ్ నటించాడు. ఇక ‘కనులు కనులను దోచాయంటే’ చిత్రంలో అయితే గౌతమ్ వాసు దేవ్ మేనన్ నటించాడు. ఈ మధ్య తెలుగులో కంటే తమిళంలో దర్శకులంతా సినిమాల్లో నటించడం మొదలు పెట్టారు. ఎస్.జె.సూర్య,సముధ్రఖని వంటి దర్శకులు సినిమాల్లో నెగిటివ్ షేడ్స్ కలిగిన పాత్రల్లో నటిస్తూ బిజీగా గడుపుతున్నారు.
వీరి బాటలోనే మరో స్టార్ డైరెక్టర్ కూడా సినిమాల్లో నటించడానికి రెడీ అయ్యాడు.అతను మరెవరో కాదు దర్శకుడు సెల్వరాఘవన్. తమిళ్ తో పాటు తెలుగులో కూడా మంచి క్రేజ్ సంపాదించుకున్న దర్శకుడు ఈయన. త్వరలో నటుడిగా కూడా మారబోతున్నాడు. విజయ్ హీరోగా ‘డాక్టర్’ దర్శకుడు నెల్సన్ దిలీప్ కుమార్ నటిస్తున్న చిత్రంలో కంప్యూట‌ర్ హాక‌ర్ గా కనిపించబోతున్నాడు సెల్వ రాఘవన్. ఈ చిత్రంలో అతని పాత్ర హైలెట్ గా నిలుస్తుందని టాక్.
త్వరలోనే ఇతని పాత్రని పరిచయం చేస్తూ ఓ ఫస్ట్ లుక్ పోస్టర్ ను కూడా విడుదల చేయాలని చిత్ర యూనిట్ భావిస్తున్నట్టు సమాచారం.సెల్వరాఘవన్ తెరకెక్కించిన `7జీ బృందావ‌న కాల‌నీ`, `ఆడ‌వారి మాట‌ల‌కు అర్థాలే వేరులే` వంటి చిత్రాలు తెలుగులో సూపర్ సక్సెస్ అయ్యాయి.’యుగానికి ఒక్కడు’ చిత్రం కూడా మంచి విజయం సాధించింది. ఇక బీస్ట్ సినిమాలో హీరోయిన్ గా టాలీవుడ్ బుట్టబొమ్మ పూజా హెగ్డే నటిస్తుండగా అనిరుథ్ సంగీతం అందించనున్నాడు.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home