Seetimaarr: గోపీచంద్ కు సంపత్ హిట్టిస్తారా?

September 6, 2021 / 04:05 PM ISTByFilmy Focus

Join Us

Seetimaarr: గోపీచంద్ కు సంపత్ హిట్టిస్తారా?

సంపత్ నంది డైరెక్షన్ లో గోపీచంద్ హీరోగా తెరకెక్కిన సీటీమార్ సినిమా మరో నాలుగు రోజుల్లో రిలీజ్ కానుంది. కొన్నేళ్ల క్రితం గోపీచంద్ సంపత్ నంది కాంబినేషన్ లో గౌతమ్ నంద మూవీ తెరకెక్కగా ఆ సినిమా ఆశించిన స్థాయిలో సక్సెస్ సాధించలేదు. సీటీమార్ మూవీ ప్రమోషన్స్ లో భాగంగా సంపత్ నంది మాట్లాడుతూ ఎన్నో ఆసక్తికర విషయాలను చెప్పుకొచ్చారు. సీటీమార్ తో భారీ సక్సెస్ ను సాధించాలని భావిస్తున్నానని సంపత్ అన్నారు.

అన్ని వర్గాల ప్రేక్షకులకు నచ్చే విధంగా సీటీమార్ సినిమా ఉంటుందని సంపత్ వెల్లడించారు. రామ్ చరణ్ ను కోచ్ పాత్రలో తాను ఊహించుకోలేకపోయానని ఆ రీజన్ వల్లే ఈ కథను తాను రామ్ చరణ్ కు చెప్పలేదని సంపత్ పేర్కొన్నారు. హీరోకు తగ్గట్టుగా కథతో న్యాయం చేయాలని అనుకుంటే మాత్రమే వారికి కథ చెప్పాలని తాను ఫిక్స్ అవుతానని సంపత్ చెప్పుకొచ్చారు. గోపీచంద్ కంటే ముందు ఎనర్జిటిక్ హీరోకు సీటీమార్ కథ చెప్పానని సంపత్ తెలిపారు.

ఎనర్జిటిక్ హీరో తన వయస్సుకు ఆ పాత్ర సెట్ కాదని చెప్పారని సంపత్ చెప్పుకొచ్చారు. రామ్ సీటీమార్ కథను రిజెక్ట్ చేశారని సంపత్ నంది చెప్పకనే చెప్పేశారు. ఆ తర్వాత గోపీచంద్ కు కథ చెప్పానని మా కాంబినేషన్ లో భారీ బ్లాక్ బస్టర్ రాబోతుందని సంపత్ నంది అన్నారు. రామ్ సీటీమార్ లో నటించనని చెప్పినా కథ బాగుందని సంపత్ నందికి చెప్పినట్టు తెలుస్తోంది. భవిష్యత్తులో పవన్, చిరంజీవితో సినిమాలను తెరకెక్కించాలని సంపత్ నంది భావిస్తున్నారు.