టాలీవుడ్ సూపర్ స్టార్ మహేష్ బాబు వరుసగా హ్యాట్రిక్ హిట్లు అందుకుని మంచి ఫామ్ లో ఉన్నాడు. ఈ ఏడాది ‘సరిలేరు నీకెవ్వరు’ చిత్రంతో బ్లాక్ బస్టర్ అందుకున్న మహేష్.. ఇంకా తన తరువాతి సినిమాని ఆనౌన్స్ చెయ్యలేదు. వంశీ పైడిపల్లి డైరెక్షన్ లో సినిమా ఉంటుంది అనుకున్న టైములో కథ నచ్చలేదు అని హోల్డ్ లో పెట్టాడు. ఇప్పుడు పరశురామ్ డైరెక్షన్లో సినిమా చెయ్యాలని అనుకుంటున్నాడు. స్క్రిప్ట్ ఫైనల్ అయ్యిందని సమాచారం. ’14 రీల్స్’ మరియు ‘మైత్రి మూవీ మేకర్స్’ వారు కలిసి ఈ చిత్రాన్ని నిర్మించబోతున్నట్టు తెలుస్తుంది.
కొరటాల శివ కూడా మరో సహా నిర్మాతగా వ్యవహరించనున్నట్టు సమాచారం. ఇదిలా ఉంటే.. ఈ చిత్రంలో ఓ స్టార్ హీరోని విలన్ గా తీసుకోవాలి అని టీం సభ్యులు అనుకుంటున్నారట. అయితే అతను తెలుగులో కాదు.. కన్నడంలో స్టార్ హీరో. అదేనండీ మన ఉపేంద్రనే. తెలుగులో కూడా ఈ స్టార్ సుపరిచితుడే..! అల్లు అర్జున్ ‘సన్ ఆఫ్ సత్యమూర్తి’ లో కూడా కీలక పాత్ర పోషించాడు.
నిజానికి మహేష్ బాబు ‘సరిలేరు నీకెవ్వరు’ చిత్రంలో ఓ కీలక పాత్రకు కూడా ఇతన్ని సంప్రదించారు. అయితే అప్పుడు ఆఫర్ ను రిజెక్ట్ చేసాడు ఈ కన్నడ స్టార్. అందుకు సంబంధించిన కారణాలు కూడా తెలీదు. అయితే ఈసారి మాత్రం ఒప్పుకుంటాడా.. అనేది మరో ప్రశ్న. ఒకవేళ ఉపేంద్ర రిజెక్ట్ చేస్తే సోనూ సూద్ ను తీసుకోవాలి అని టీం ఆలోచిస్తున్నారట. సూపర్ స్టార్ కృష్ణ పుట్టిన రోజు అయిన మే 31 న దీనికి సంబంధించి ఓ క్లారిటీ రానున్నట్టు సమాచారం.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
