టాలీవుడ్‌లో 50 సినిమాలు పూర్తి చేసుకుంటూ.. అదిరిపోయే నిర్మాతగా పేరు తెచ్చుకున్నారు దిల్ రాజు. ఆయన నిర్మాణంలోకి అడుగుపెట్టి 20 ఏళ్లు పూర్తయిన సందర్భంగా ఇటీవల ట్విటర్‌లో అభిమానులతో ముచ్చటించారు ఆయన. ఈ క్రమంలో ఆయన లైనప్‌ బయటకు వచ్చింది. అందులో స్టార్‌ హీరోలు వరుస కడుతున్నారు. ఇందులో ఎన్ని పట్టాలెక్కుతాయి, ఎప్పుడు షురూ అవుతాయి అనేది తెలియదు కానీ.. ఆయన మాటలు అయితే ‘త్వరలోనే’ అని కనిపిస్తోంది. విభిన్న కథలతో సినిమాలు నిర్మిస్తూ ప్రేక్షకులను అలరిస్తున్నారు దిల్ రాజు. శ్రీ వేంకటేశ్వర క్రియేషన్స్‌ బ్యానర్‌ మీద ఆయన భారీ సినిమాలు తెరకెక్కిస్తున్నారు.
ఇటీవల దిల్ రాజు ప్రొడక్షన్స్‌ పేరుతో మరో బ్యానర్‌ స్థాపించి చిన్న సినిమాలు చేస్తున్నారు. ఈ క్రమంలో తొలి బ్యానర్‌ హాఫ్‌ సెంచరీ పూర్తి చేసుకుంది. సెకండ్‌ 50 వేగంగా పూర్తి చేసే క్రమంలో ఉన్నారాయన. అందులో భాగంగా టాలీవుడ్‌, కోలీవుడ్, శాండిల్‌ వుడ్‌ హీరోల సినిమాలు ఉండబోతున్నాయి. ‘కేజీయఫ్‌’ సినిమాలతో పాన్‌ ఇండియా స్టార్‌ అయిపోయిన యశ్‌తో ఓ సినిమా చేస్తామని దిల్ రాజు చెప్పారు. దీనికి అభిమానులు యశ్‌ తర్వాతి సినిమా ఇదే అవ్వొచ్చు అని అంటున్నారు. చిరంజీవితో సినిమా చేయాలని దిల్ రాజు ఎప్పటి నుండో చెబుతున్నారు.
తాజాగా ఫ్యాన్స్‌ డిస్కషన్‌లో కూడా ఇదే విషయం చెప్పారు. మాస్‌ ఎంటర్‌ టైనర్‌ పక్కా… ‘పూనకాలు లోడింగ్‌’.. త్వరలో చిరు సినిమా అని చెప్పారు (Dilraju) దిల్ రాజు. పవన్ కల్యాణ్‌తో నెక్స్ట్‌ సినిమా ఎప్పుడు అని అడిగితే.. ‘త్వరలోనే ఉంటుంది’ అని సమాధానమిచ్చారు దిల్ రాజు. ఇప్పటికే ఈ కాంబినేషన్‌లో ‘వకీల్‌ సాబ్‌’ వచ్చిన సంగతి తెలిసిందే. ఇక దిల్ రాజు బ్యానర్‌లో ప్రభాస్ సినిమా గురించి ఫ్యాన్స్‌ అడిగితే.. ప్రస్తుతం ప్రభాస్ చేతిలో ఉన్న ప్రాజెక్టులు పూర్తయ్యాక మాతో సినిమా ఉంటుంది అని చెప్పుకొచ్చారు.
మరి బాలయ్యతో సినిమా సంగతి చెప్పండి అంటే.. నాకు కూడా ఆయనతో సినిమా చేయాలనుంది. తప్పక చేస్తాను అని అన్నారు. నాని సినిమా ముచ్చటేంటి అంటే.. హ్యాట్రిక్‌ కోసం ప్లాన్‌ చేస్తున్నాం అని చెప్పిన దిల్ రాజు.. ఎన్టీఆర్‌తో సినిమా త్వరలోనే ఉంటుంది అని చెప్పుకొచ్చారు. ఆఖరిగా మీ డ్రీమ్‌ ప్రాజెక్టు ఏంటి? అని అడిగితే.. ‘జటాయు’ అనేది నా కలల ప్రాజెక్టు. ది బెస్ట్‌ టెక్నీషియన్లు, నటులతో ఆ భారీ చిత్రాన్ని నిర్మించాలని అనుకుంటున్నాను. ప్లానింగ్‌ జరుగుతోంది అని చెప్పారు దిల్ రాజు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
