దేశంలోనే అత్యంత భారీ బడ్జెట్‌తో తెరకెక్కుతున్న చిత్రం ‘కల్కి 2898 ఏడీ’ (Kalki 2898 AD). ప్రభాస్ (Prabhas) – దీపిక పడుకొణె (Deepika Padukone) – అమితాబ్‌ బచ్చన్‌ (Amitabh Bachchan) – కమల్‌ హాసన్‌ (Kamal Haasan) – నాగ్ అశ్విన్‌ (Nag Ashwin) కాంబినేషన్‌లో రూపొందుతున్న ఈ సినిమా గురించి ఇప్పుడు రోజుకో వార్త చదివే సమయంలో వచ్చేసింది. కారణం సినిమా ప్రచారం పూర్తి స్థాయిలో షురూ అవ్వబోతోంది. ఈ క్రమంలో సినిమా గురించి ఓ పాత విషయం అప్‌డేటెడ్‌గా పుకార్ల రూపంలో వస్తోంది. అదే అతిథి పాత్ర.
అవును ‘కల్కి 2898 ఏడీ’ సినిమాలో చాలా అతిథి పాత్రలు ఉంటాయని చాలా రోజులుగా చెబుతూనే ఉన్నారు. ఎవరెవరో నటిస్తారు అంటూ లెక్కలేస్తున్నారు. అయితే ఎక్కడా క్లారిటీగా అయితే చెప్పడం లేదు. కానీ ఇప్పుడు సినిమా రిలీజ్ డేట్ దగ్గరపడుతోంది. ఈ నేపథ్యంలో ఆ గెస్ట్‌లు ఎవరు అనే చర్చ మొదలైంది. ఈ క్రమంలో చాలా పేర్లు వినిపిస్తున్నాయి. అందులో కొన్ని ఇప్పటికే చర్చలోకి రాగా, ఇప్పుడు మరికొన్ని డిస్కషన్‌లో పార్ట్‌ అవుతున్నాయి.
వైజయంతి మూవీస్‌కు, దర్శకుడు నాగ్ అశ్విన్‌కు, ప్రభాస్‌కు బాగా క్లోజ్‌ ఉండే నటులు, సాంకేతిక నిపుణులు ఈ సినిమాలో భాగం అవుతారట. అలా నాని (Nani) , విజయ్ దేవరకొండ (Vijay Devarakonda) , రాజమౌళి (Rajamouli) , రామ్‌ గోపాల్‌ వర్మ (Ram Gopal Varma) , దుల్కర్ సల్మాన్ (Dulquer Salmaan) , రానా (Rana) లాంటి వాళ్లు సినిమాలో కనిపిస్తారట. ఇందులో కొంతమంది సన్నివేశాల చిత్రీకరణ పూర్తయిపోయింది. మరికొన్ని త్వరలోనే ఉంటాయి అంటున్నారు. తాజా లిస్ట్‌ ప్రకారం అయితే మృణాల్ ఠాకూర్ (Mrunal Thakur) , శోభన (Shobana) కూడా ‘కల్కి’ సినిమాలో అతిథి పాత్రల్లో నటిస్తున్నారట.
ఈ ప్రచారాలు నిజమో కాదో తెలియాలంటే జూన్ 27 వరకు ఆగాల్సిందే. ఆ రోజే భైరవ తన బుజ్జితో వెండితెరపైకి వస్తున్నాడు. ప్రస్తుతం అయితే వీళ్ల సందడి అమెజాన్‌ ప్రైమ్‌లో ‘బుజ్జి అండ్‌ భైరవ’గా కొనసాగుతోంది. సినిమా పాత్రల పరిచయం కోసం టీమ్‌ ఓ యానిమేషన్‌ సిరీస్‌ను రూపొందించి ఇటీవల రిలీజ్ చేసింది. అందులో విజువల్స్‌, ప్రభాస్ – బ్రహ్మానందం కామెడీ టైమింగ్‌ అదిరిపోయాయి.
Home