ఈ ఫోటోలో ఉన్న స్టార్ హీరోయిన్ ను గుర్తుపట్టారా?

ప్రముఖ నటీమణులలో ఒకరైన నజ్రియా నజీమ్ గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. రాజా రాణి, బెంగళూరు డేస్ సినిమాల ద్వారా నజ్రిమా నజీమ్ చాలా సంవత్సరాల క్రితమే మంచి గుర్తింపును సంపాదించుకున్నారు. తెలుగులో స్టార్ హీరోలకు జోడీగా నటించే ఛాన్స్ వచ్చినా కథ నచ్చక, ఇతర కారణాల వల్ల నజ్రియా నజీమ్ ఆ సినిమాలను రిజెక్ట్ చేయడం జరిగింది.

అయితే ప్రస్తుతం నజ్రియా నజీమ్ తెలుగులో అంటే సుందరానికి సినిమాలో నటిస్తున్నారు. ఇప్పటికే విడుదలైన అంటే సుందరానికి టీజర్ సినిమాపై అంచనాలను రెట్టింపు చేసింది. వివేక్ ఆత్రేయ డైరెక్షన్ లో తెరకెక్కిన ఈ సినిమా వచ్చే నెలలో థియేటర్లలో విడుదల కానుంది. జూన్ నెల 10వ తేదీన రిలీజ్ కానున్న ఈ సినిమా కొరకు నాని ఫ్యాన్స్ తో పాటు సాధారణ ఫ్యాన్స్ కూడా ఎదురుచూస్తున్నారు.

అయితే సోషల్ మీడియాలో నజ్రియా నజీమ్ చిన్నప్పటి ఫోటో వైరల్ అవుతోంది. నజ్రియా చిన్నప్పటి ఫోటోలలో చాలా క్యూట్ గా ఉన్నారని నెటిజన్లు కామెంట్లు చేస్తున్నారు. పుష్ప సినిమాలో విలన్ గా నటించి మెప్పించిన ఫహద్ ఫాజిల్ నజ్రియా నజీమ్ భర్త అనే సంగతి తెలిసిందే. పుష్ప ది రైజ్ తో ఫహద్ ఫాజిల్ సక్సెస్ ను అందుకోగా అంటే సుందరానికి సినిమాతో నజ్రియా కూడా సక్సెస్ సాధిస్తారేమో చూడాల్సి ఉంది.

పుష్ప ది రైజ్ లో ఫహద్ ఫాజిల్ పాత్రకు పెద్దగా ప్రాధాన్యత లేకపోయినా పుష్ప ది రూల్ లో మాత్రం ఈ పాత్రే ప్రధానంగా ఉండనుంది. జూన్ నెల నుంచి పుష్ప ది రూల్ షూటింగ్ మొదలుకానుందని వచ్చే ఏడాది సమ్మర్ లో పుష్ప ది రూల్ విడుదల కానుందని తెలుస్తోంది. సుకుమార్ ఈ సినిమాకు దర్శకత్వం వహిస్తుండగా మైత్రీ మూవీ మేకర్స్ నిర్మాతలు ఖర్చు విషయంలో రాజీ పడకుండా భారీ బడ్జెట్ తో ఈ సినిమాను నిర్మించనున్నారు.