Mahesh Babu: సూపర్ స్టార్ మహేష్ అంత మంచి వ్యక్తా..?

బాలనటుడిగా పదుల సంఖ్యలో సినిమాల్లో నటించిన మహేష్ బాబు రాజకుమారుడు సినిమాతో హీరోగా ఎంట్రీ ఇచ్చి టాలీవుడ్ సూపర్ స్టార్ గా వరుస విజయాలతో దూసుకెళుతున్నారు. భరత్ అనే నేను, మహర్షి, సరిలేరు నీకెవ్వరు సినిమాలతో వరుసగా మూడు హిట్లు సాధించిన మహేష్ బాబు కరోనా కేసులు తగ్గి సాధారణ పరిస్థితులు ఏర్పడిన తరువాత సర్కారు వారి పాట షూటింగ్ లో పాల్గొననున్నారు. త్రివిక్రమ్ సినిమా షూటింగ్ ను కూడా త్వరలోనే ప్రారంభించాలని మహేష్ భావిస్తున్నారు.

అయితే ప్రముఖ నిర్మాత, డిస్ట్రిబ్యూటర్లలో ఒకరైన అభిషేక్ నామా తాజాగా మహేష్ బాబు గొప్పదనం గురించి మాట్లాడుతూ ఆసక్తికర విషయాలను వెల్లడించారు. మహేష్ బాబు డిస్ట్రిబ్యూటర్ నష్టపోతారని తెలిస్తే అస్సలు తట్టుకోలేరని పిలిచి మరీ మహేష్ డబ్బులిస్తారని అభిషేక్ నామా అన్నారు. టాలీవుడ్ ఇండస్ట్రీలో మహేష్ బాబు మాత్రమే ఇలా చేస్తారని ప్రొడక్షన్ హౌస్ తో సంబంధం లేకుండా తరువాత సినిమా ఆయనతో చేయకపోయినా మహేష్ డబ్బులు ఇస్తారని అభిషేక్ నామా వెల్లడించారు.

అల్లు అర్జున్ నటించిన వరుడు సినిమాకు తనకు 80 శాతం నష్టం వచ్చిందని అభిషేక్ నామా పేర్కొన్నారు. హార్ట్ ఎటాక్, లోఫర్ సినిమాలతో తనకు నష్టం రాగా పూరీ జగన్నాథ్ ఇస్మార్ట్ శంకర్ సినిమాను ఇచ్చి ఆ నష్టాలను భర్తీ చేసినట్టు అభిషేక్ నామా తెలిపారు. ఈ విషయం తెలిసి నెటిజన్లు మహేష్ బాబు ఇంత మంచి వ్యక్తా..? అని కామెంట్లు చేస్తున్నారు.

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!