ఈరోజు నాని 39వ పుట్టినరోజు. టాలీవుడ్లో సెల్ఫ్ మేడ్ స్టార్స్ లిస్ట్ తీసుకుంటే అందులో చిరంజీవి, రవితేజ ల తర్వాత నాని కూడా ఉంటాడు. ఆర్.జె గా కెరీర్ ను మొదలుపెట్టిన నాని తర్వాత ఓ క్లాప్ బాయ్ గా కొన్నాళ్ళు, అసిస్టెంట్ డైరెక్టర్ గా కొన్నాళ్ళు పనిచేశాడు. ఇంద్రగంటి తెరకెక్కించిన ‘అష్టా చమ్మా’ తో హీరోగా ఎంట్రీ ఇచ్చి సక్సెస్ అయ్యాడు. ఆ తర్వాత వచ్చిన ‘అలా మొదలైంది’ ‘పిల్ల జమిందార్’ ‘ఈగ’ వంటి సినిమాలు సూపర్ హిట్లవ్వడంతో క్రేజీ హీరోగా మారిపోయాడు.
అయితే ‘భలే భలే మగాడివోయ్’ చిత్రం నానికి టాప్ హీరోని చేసింది. మార్కెట్ ను కూడా పెంచింది. ఏడాదికి రెండు, మూడు సినిమాలు చేస్తూ వరుస హిట్లు కొట్టే నాని… హవా ఈ మధ్య తగ్గినట్టు కనిపించింది. కానీ ఈరోజు నాని పుట్టినరోజు కావడంతో బడా నిర్మాతలంతా స్పెషల్ గా వెళ్లి మరీ బర్త్ డే విషెస్ చెప్పారు. సాధారణంగా మిడ్ హీరోల పుట్టినరోజులకు నిర్మాతలు ట్వీట్లు వేసి సరిపెట్టేస్తారు. కానీ ఈసారి నాని విషయంలో నిర్మాతల తీరు మారింది.
ప్రత్యేకంగా నాని వద్దకు వెళ్లి బొకేలు ఇచ్చి మరీ పుట్టినరోజు శుభాకాంక్షలు చెప్పొచ్చారు నిర్మాతలు. ఈ లిస్ట్ లో ‘మైత్రి’ రవిశంకర్, ‘పీపుల్ మీడియా ఫ్యాక్టరీ విశ్వప్రసాద్, ‘అభిషేక్ పిక్చర్స్’ అధినేత అభిషేక్ అగర్వాల్ లతో పాటు ‘ఆర్.ఆర్.ఆర్’ వంటి పాన్ ఇండియా చిత్రాన్ని నిర్మించిన డీవీవీ దానయ్య కూడా ఉన్నారు. ప్రస్తుతం ఈ స్టార్ హీరోలు అంతా బిజీగా ఉండడంతో నిర్మాతలకు నానినే బెస్ట్ ఆప్షన్ గా కనిపిస్తున్నట్టున్నాడు.
ప్రస్తుతం నాని ‘దసరా’ సినిమా పోస్ట్ ప్రొడక్షన్ పనుల్లో బిజీగా గడుపుతున్నాడు.నాని కెరీర్లోనే ఇది బిగ్గెస్ట్ బడ్జెట్ మూవీ. పాన్ ఇండియా లెవెల్లో మార్చి 30న ఈ మూవీ రిలీజ్ కాబోతుంది. అలాగే తన 30వ సినిమా షూటింగ్ కోసం కూడా రెడీ అవుతున్నాడు నాని.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home