కాంట్రవర్షియల్‌ డైరెక్టర్‌ రామ్ గోపాల్‌ వర్మ తనకు దేవుడితో సమానమని జబర్దస్త్‌ ఫేమ్‌, హీరో ‘షకలక’ శంకర్‌ అంటున్నాడు. వర్మని ఇమిటేట్‌ చేస్తూ, స్టేజీలపై అతడు చాలా స్కిట్లు చేశాడు. దాంతో ఫేమ్‌ పొందాడు. వర్మ మీద సెటైరికల్‌గా తీసిన కొన్ని సినిమాల్లో నటించాడు. అందులో ఓ సినిమా ‘రాంగ్‌ గోపాల్‌ వర్మ’. మండే ట్రైలర్‌ లాంఛ్‌ చేశారు. ఆ ప్రోగ్రామ్‌లో వర్మ తనకు దేవుడితో సమానమని శంకర్‌ అన్నాడు.
‘‘లాక్‌డౌన్‌లో నాకు నాలుగు పనులు (సినిమాలు) ఇచ్చిన మహానుభావుడు రామ్ గోపాల్‌ వర్మ. ఇండస్ట్రీలో 24 క్రాఫ్ట్స్‌కి భోజనం పెట్టాడు. ఈ ట్రైలర్‌లో నాకు సోర్స్‌ ఆఫ్‌ ఇన్‌స్పిరేషన్‌ అని డైలాగ్‌ ఉంది. నా లైఫ్‌లో నాకు సోర్స్‌ ఆఫ్‌ ఇన్‌స్పిరేషన్‌ వర్మే. నాకు సోర్స్‌ ఆఫ్‌ గాడ్‌’’ అని ‘షకలక’ శంకర్‌ చెప్పాడు. సినిమాకు కర్త, కర్మ, క్రియ అన్నీ డైరెక్టర్‌ కమ్‌ ప్రొడ్యూసర్‌ జర్నలిస్ట్‌ ప్రభు అన్నాడు. మధ్యలో నటుడిగా తాను నలిగిపోయా అని చెప్పుకొచ్చాడు.
వర్మపై సినిమాలకు ‘రాంగ్‌ గోపాల్‌ వర్మ’తో ఫుల్‌ స్టాప్‌ పెడుతున్నానని ‘షకలక’ శంకర్‌ స్పష్టం చేశాడు. ఎండ్‌ కార్డు వేస్తున్నానని అన్నాడు. యాక్టర్‌గా డైరెక్టర్‌ చెప్పింది చేశాను తప్ప… కథ, కథనాలు, డైలాగులతో తనకు సంబంధం లేదని పదే పదే చెప్పుకొచ్చాడు. అతడి మాటలు వింటుంటే… సినిమాలో వర్మను టార్గెట్‌ చేస్తూ ఘాటైన డైలాగులు ఉన్నట్టు ఉన్నాయి. జర్నలిస్ట్‌ ప్రభు సైతం ఘాటుగా, సూటిగా ప్రశ్నిస్తూ సినిమా తీశానని అన్నారు.
చిన్నపిల్లలుగా మారిపోయిన ‘బిగ్ బాస్4’ కంటెస్టెంట్స్.. ఎలా ఉన్నారో మీరే చూడండి..!
‘సర్జరీ’ చేయించుకున్న హీరోయిన్లు వీళ్ళే!
భీభత్సమైన బ్లాక్ బస్టర్ ఇచ్చిన హీరోలే తరువాత భయంకరమైన డిజాస్టర్లు కూడా ఇచ్చారు…!
