కొన్ని రోజుల క్రితం దర్శకుడు అజయ్ భూపతి ట్విట్టర్ లో “చీప్ స్టార్” అని వేసిన ట్వీట్ పెద్ద దుమారానికి తెర లేపింది. అజయ్ అప్పటికీ మాస్ మహారాజాతో “మహా సముద్రం” అనే సినిమాను ఫైనల్ చేసుకొని ఉండడంతో ఆయన్నే అలా అన్నాడా అని అనుమానాలు రేగాయి. అయితే.. ఆ అనుమానం నేటితో స్పష్టమైంది. అజయ్ భూపతి “చీప్ స్టార్” అని ట్వీట్ చేసింది మాస్ మహారాజా రవితేజ గురించే. “ఆర్ ఎక్స్ 100” లాంటి సెన్సేషనల్ హిట్ అనంతరం అజయ్ చాలా మందికి కథలు చెప్పాడు. కానీ.. హీరోలండరు చేస్తాము అని చెప్పి హ్యాండ్ ఇచ్చారు కానీ.. ఎవరూ పాజిటివ్ గా రెస్పాండ్ అవ్వలేదు. దాంతో రవితేజ ఫస్ట్ సిట్టింగ్ లోనే స్టోరీ ఒకే చేయడంతో తెగ ఆనందపడిపోయాడు అజయ్.
కానీ.. ముందు ఒకే చెప్పిన రవితేజ, తన రెమ్యూనరేషన్ విషయంలో చాలా పేచీ పెట్టడం, అందుకు నిర్మాత జెమిని కిరణ్ ససేమిరా అనడంతో రవితేజ సినిమా నుంచి వాకౌట్ చేశాడట. దాంతో అజయ్ కి కోపం వచ్చి ట్విట్టర్ లో “చీప్ స్టార్” అని ట్వీట్ చేసి తన కోపాన్ని వెళ్లగక్కుకున్నాడు. రవితేజ విషయంలో ఇలా డైరెక్టర్స్ ఫ్రస్ట్రేట్ అవ్వడం ఇదేమీ కొత్త కాదు. మరి రవితేజ ఇలా ఎందుకు బిహేవ్ చేశాడు అనేది తెలియదు కానీ.. అజయ్ మాత్రం తన సినిమాకి కొత్త హీరోను వెతుక్కోనే పనిలో ఉన్నాడట.
