ఫేస్ బుక్ లో “అ..ఆ” సినిమా

యువ హీరో నితిన్, బబ్లీ బ్యూటీ సమంత క్రేజీ కాంబినేషన్లో వచ్చిన ”అ..ఆ” చిత్రం విడుదలైన రోజే ఫేస్ బుక్ లో ప్రత్యక్ష మైంది. ఊహించని ఈ పరిణామానికి చిత్ర బృందం కంగారు పడింది. హైదరాబాద్ లోని యాంటీ పైరసీ సెల్ యాక్టివ్ గా స్పందించడంతో ఈ సినిమాకు ముప్పు తప్పింది. వీరు వీడియో ఎక్కడ నుంచి అప్లోడ్ అవుతుంతో వేగంగా ట్రేస్ చేశారు.

చికాగో (అమెరికా)లోని మువికో రోజ్ మాంట్ లో ”అ.. ఆ” ప్రీమియర్ షో చూస్తున్న ఓ ఇండియన్ స్టూడెంట్ ఈ పని చేసినట్లు కనుగొన్నారు. అతను సినిమాను చూస్తూనే షూట్ చేసి ఫేస్ బుక్ ద్వారా లైవ్ స్ట్రీమింగ్ చేస్తున్నసంగతిని అక్కడ యాజమాన్యానికి తెలిపారు. వారు పోలీసులకు ఫిర్యాదు చేయడం, అక్కడి పోలీసులు వెంటనే వచ్చి ఆ విద్యార్ధి ని అరెస్ట్ చేయడం జరిగి పోయాయి. అప్పటి వరకు పోస్ట్ అయిన సినిమా లింకులన్నీడిలీట్ చేశారు. దీంతో చిత్ర యూనిట్ ఊపిరి పీల్చుకుంది. ఈ విషయంలో హైదరాబాద్ యాంటీ పైరసీ సెల్ బృందాన్ని అభినందించాల్సిందే.