మెగాస్టార్ చిరంజీవి హీరోగా కాజల్ ఆగర్వాల్ హీరోయిన్ గా కొరటాలశివ కాంబినేషన్ లో తెరకెక్కుతున్న సినిమా ఆచార్య. రామ్ చరణ్ సిద్ధగా స్పెషల్ క్యారెక్టర్ చేస్తున్న ఈ మూవీ ప్రస్తుతం తుది మెరుగులు దిద్దుకుంటోంది. ప్రస్తుతం మారేడ్ పల్లి అడవుల్లో షూటింగ్ చేస్తున్నారు. ఇప్పటి వరకూ అద్భుతంగా అవుట్ పుట్ వచ్చిందని చెప్తోంది మూవీ టీమ్. అయితే, రీసంట్ గా వచ్చిన టీజర్ ని చూస్తుంటే, గుడిలో జరిగే యాగాలు, అక్కడ జరుగుతున్న హోమాలు, అవి చేయించే వాళ్లందరికీ సంరక్షకుడిగా మెగాస్టార్ నిలబడటం అనేది చూపించారు. ఇక తర్వాత వచ్చిన రిలీజ్ పోస్టర్ లో కూడా మెగాస్టార్ చిరంజీవి రెడ్ స్కార్ఫ్ ని చేతికి చుట్టుకుని రాడికల్స్ నాయకుడిగా కనిపిస్తున్నాడు.
అక్కడున్న వారందరికీ అతనే హోప్ గా కూడా కనిపిస్తున్నాడు. అయితే, ఇప్పుడు నెటిజన్స్ అందరూ మెగాస్టార్ ఆచార్య ఫోటోని, అలాగే స్టైలిష్ స్టార్ అల్లు అర్జున్ మాస్ డైరెక్టర్ వివి వినాయక్ కాంబినేషన్ లో వచ్చిన బద్రీనాథ్ పోస్టర్స్ ని పక్కపక్కనే పెట్టి షేర్ చేస్తున్నారు. ఈ రెండు సినిమాలకి ఏదైనా సంబంధం ఉందా అంటూ కాంటెస్ట్ లు పెడుతున్నారు. అప్పట్లో బన్నీ చేసిన బద్రీనాథ్ సినిమా బాక్సాఫీస్ దగ్గర ఫ్లాప్ టాక్ తెచ్చుకుంది. అంతేకాదు, అక్కడ గుళ్లని కాపాడే సంరక్షకుడిగా ప్రకాష్ రాజ్ శిష్యుడిగా బన్నీని ఒక రేంజ్ లో చూపించాడు డైరెక్టర్. ఇప్పుడు కూడా కొరటాల సినిమా చూస్తుంటే చిరంజీవి క్యారెక్టర్ కూడా ఇలాగే ఉండబోతోందా అనేది కొందరికి వస్తున్న అనుమానం.
అయితే, ఈసారి శిష్యుడు కాకుండా ఆచార్యగా గురువే రంగంలోకి దిగాడు అని మీమ్స్ ట్రోల్ అవుతున్నాయి. సినిమా రాకముందే ఇలా వేరే సినిమాలతో పోల్చేస్తుంటే సినిమా వచ్చాక అలాంటి కాన్సెప్టే అయితే, మేము ముందే చెప్పాం కదా అంటూ కూడా పాతఫోటోలు షేర్ చేసేస్తారు కూడా. మొత్తానికి ఎలాంటి సినిమా అయినా, ఎలాంటి పాట వచ్చినా, ఎలాంటి పోస్టర్ వచ్చినా, దేనితో ఒకదానితో పోలుస్తూ ఇలాంటి మీమ్స్ రావడం అనేది సోషల్ మీడియాలో సర్వసాధరణమైపోయింది బాస్.. అంటూ మరికొంతమంది నెటిజన్స్ పెదవి విరుస్తున్నారు. అదీ మేటర్.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
