లేడీ డైరెక్టర్ సుధా కొంగర తనకంటూ ఇండస్ట్రీలో మంచి గుర్తింపు తెచ్చుకున్నారు. ఆమె డైరెక్ట్ చేసిన ‘గురు’, ‘ఆకాశమే నీ హద్దురా’ వంటి సినిమాలు భారీ విజయాలను అందుకున్నాయి. ముఖ్యంగా ‘ఆకాశమే నీ హద్దురా’ సినిమాకి అవార్డులు కూడా దక్కాయి. ఇదొక బయోపిక్ అనే సంగతి తెలిసిందే. ఇప్పుడు సుధా కొంగర మరో బయోపిక్ చేయడానికి రెడీ అవుతున్నారు. దానికి తగ్గ ప్రణాళికలు సిద్ధం చేసుకుంటున్నారు. రతన్ టాటా బయోపిక్ ను ఆమె డైరెక్ట్ చేయాలనుకుంటున్నారు.
భారతీయ వ్యాపార సామ్రాజ్యంలో టాటా వారి హవా గురించి ప్రత్యేకంగా చెప్పాల్సిన అవసరం లేదు. రతన్ టాటా జీవితం.. ఆయన చేస్తున్న సేవ.. వీటన్నింటినీ యువతకు చెప్పాలనే ఉద్దేశంతో ఈ బయోపిక్ ను రూపొందించాలని అనుకుంటున్నారు సుధా కొంగర. ఈ బయోపిక్ లో సూర్య గానీ.. అభిషేక్ బచ్చన్ గానీ నటించే అవకాశాలు ఉన్నాయి. ప్రస్తుతం రతన్ టాటా జీవితంలోని అన్ని కోణాలపై సుధా కొంగర రీసెర్చ్ చేస్తున్నట్లు సమాచారం.
మరోపక్క స్క్రిప్ట్ వర్క్ కూడా జరుగుతుందట. త్వరలోనే ఈ బయోపిక్ కి సంబంధించిన పూర్తి వివరాలను వెల్లడించనున్నారు. ఈ ప్రాజెక్ట్ ను పాన్ ఇండియా లెవెల్ లో నిర్మించే అవకాశాలు ఉన్నాయి. ఈ మధ్యకాలంలో సౌత్ సినిమాలన్నింటినీ పాన్ ఇండియా లెవెల్ లోనే రిలీజ్ చేస్తున్నారు. రతన్ టాటా బయోపిక్ అంటే ఇండియా వైడ్ జనాలు ఇంట్రెస్ట్ చూపిస్తారు.
అందుకే అదే రేంజ్ లో సినిమాను నిర్మించాలనుకుంటున్నారు. సుధా కొంగర లాంటి డైరెక్టర్ ఈ ప్రాజెక్ట్ ను టేకప్ చేయడంతో సినిమాపై అంచనాలు పెరగడం ఖాయం.
ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!
మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!
