‘ఆకాశం నీ హద్దురా’ తర్వాత దర్శకురాలు సుధ కొంగర కొత్త సినిమా ఏమీ ప్రకటించలేదు. తమిళంలో ఒకరిద్దరు హీరోలతో సినిమా అని వార్తలొచ్చినా ఆ తర్వాత వాటి గురించి పెద్దగా వినిపించలేదు. ఈలోగా మహేష్‌బాబుకు సుధ ఓ కథ చెప్పారని వార్తలొచ్చాయి. దీంతో ఈ కొత్త కాంబినేషన్‌ బాగుందని, మహేష్‌ను సుధ ఎలా చూపిస్తారో అంటూ రకరకాల వార్తలు షికార్లు కొట్టాయి. అయితే ఇప్పుడు ఈ కాంబినేషన్‌ కూడా వర్కౌట్‌ కావడం లేదని తెలుస్తోంది. రీసెంట్‌గా సుధ వేరే హీరోకి కథ చెప్పారట.
టాలీవుడ్‌లో ఎక్కువ సినిమాలో చంకలో పెట్టుకొని తిరుగుతున్న హీరోల్లో ప్రభాస్ ఒకడు. చాలా రోజులుగా చేస్తున్న ‘రాధే శ్యామ్‌’ విడుదల ఎప్పుడనేది తెలియదు కానీ, తర్వాత సినిమా వరుస మాత్రం మనకు తెలుసు. ఇప్పుడు ఆ వరుసలో సుధ కొంగర కూడా వచ్చి చేరుతారని అంటున్నారు. రీసెంట్‌గా సుధ కొంగర.. ప్రభాస్‌కు ఓ సినిమా లైన్‌ చెప్పారట. అయితే దానిపై ఇంకా ఓ నిర్ణయం తీసుకోలేదు. కానీ ప్రభాస్ ఈ సినిమా విషయంలో ఆసక్తిగా ఉన్నాడని మాత్రం తెలుస్తోంది.
సుధ గతంలో మహేష్‌కి చెప్పిన కథ, ఇప్పుడు ప్రభాస్‌కు చెప్పిన కథ… ఒక్కటేనా అనేది తెలియడం లేదు. ఒకవేళ రెండూ ఒకటే అయితే ఇద్దరిలో ఒకరితోనే సినిమా ఉంటుంది. వేర్వేరు అయితే రెండు సినిమాలు వస్తాయి. అయితే ఈ ఇద్దరిలో ఎవరు ఓకే చేస్తారు, ఒకవేళ ఓకే చేస్తే ఎప్పుడు మొదలవుతుంది అనేది చెప్పడం కష్టమే. ప్రభాస్ చేతిలో ప్రస్తుతం ‘రాధే శ్యామ్‌’, ‘సలార్‌’, ‘ఆది పురుష్‌’, నాగ్‌ అశ్విన్‌ సినిమా, సిద్ధార్థ్‌ ఆనంద్‌ సినిమాలు ఉన్నాయి. మహేష్‌ అయితే త్రివిక్రమ్‌ సినిమా పూర్తి చేయాలి. ఆ తర్వాత రాజమౌళి సినిమా ఉంటుంది. కాబట్టి సుధ కథకు ఎవరు ఓకే చెప్పినా వెయిటింగ్‌ తప్పదు.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home