Sujeeth, Varun Tej: 3 ఏళ్ల నిరీక్షణ..మొత్తానికి సుజీత్ కు హీరో దొరికేసాడు..!

June 21, 2022 / 05:26 PM ISTByFilmy Focus

Join Us

Sujeeth, Varun Tej: 3 ఏళ్ల నిరీక్షణ..మొత్తానికి సుజీత్ కు హీరో దొరికేసాడు..!

‘రన్ రాజా రన్’ తో ఓ మంచి హిట్ అందుకున్న దర్శకుడు సుజీత్… రెండో సినిమాకే ప్రభాస్ వంటి పెద్ద స్టార్ హీరోని డైరెక్ట్ చేసే ఛాన్స్ కొట్టేసాడు. అది కూడా పాన్ ఇండియా లెవెల్లో భారీ బడ్జెట్ సినిమా. కానీ ఇంత పెద్ద ప్రాజెక్ట్ ను సుజీత్ హ్యాండిల్ చేయలేకపోయాడు అనే చెప్పాలి. ఈ సినిమాకి తొలి రోజు దారుణమైన టాక్ వచ్చింది. అయితే ‘బాహుబలి’ క్రేజ్ వల్ల ఈ చిత్రాన్ని భారీగా చూశారు ప్రేక్షకులు.

హిందీలో అయితే ఈ మూవీ సూపర్ హిట్ అనిపించుకుంది. ప్లాప్ టాక్ తో అక్కడ సూపర్ హిట్ అవ్వడం అంత ఈజీ కాదు. కానీ ‘సాహో’ ఆ ఫీట్ ను సాధించడంతో సుజీత్ పై బాలీవుడ్ మేకర్స్ కళ్ళు పడ్డాయి. ‘సాహో’ రిలీజ్ అయ్యాక అక్కడి నిర్మాతలు సుజీత్ కు అడ్వాన్స్ లు ఇచ్చేందుకు ముందుకు వచ్చారు. కానీ ఇప్పటికీ బాలీవుడ్ ప్రాజెక్టుని ఓకే చేసుకోలేదు సుజీత్. తనకి దర్శకుడిగా అవకాశం ఇచ్చిన ‘యూవీ క్రియేషన్స్’ బ్యానర్లో మరో సినిమా చేసేందుకు సుజీత్ రెడీ అయ్యాడు.

కానీ ఈ గ్యాప్ లో అతనికి మెగాస్టార్ చిరంజీవితో ‘లూసిఫర్’ ని రీమేక్ చేసే అవకాశం దక్కింది. కానీ అదే టైములో అతనికి పెళ్లి కుదరడంతో ఈ ప్రాజెక్టు చేయలేకపోయాడు సుజీత్. తర్వాత గోపీచంద్ తో సినిమా అన్నారు. అది కూడా సెట్ అవ్వలేదు. 3 ఏళ్ళ గ్యాప్ తర్వాత తనకు హీరో దొరికాడు. అందుతున్న సమాచారం ప్రకారం..

మెగా ప్రిన్స్ వరుణ్ తేజ్ తో సుజీత్ ఓ చిత్రం చేయడానికి రెడీ అయ్యాడట. వరుణ్.. ప్రవీణ్ సత్తారు దర్శకత్వంలో ఓ ప్రాజెక్టు చేయాల్సి ఉంది. అది పూర్తయిన వెంటనే అవ్వొచ్చు లేదా దానితో సమానంగా అయ్యుండొచ్చు.. సుజీత్ తో సినిమా చేసే ఆలోచనలో వరుణ్ ఉన్నట్టు తెలుస్తుంది. పాన్ ఇండియా మూవీగా ఈ ప్రాజెక్టు తెరకెక్కనుందని తెలుస్తోంది.