కేరళ నుండి నల్గొండకు షిఫ్ట్ అయిన పుష్ప

సుకుమార్-బన్నీల హ్యాట్రిక్ మూవీ పుష్ప రెడ్ శాండిల్ స్మగ్లింగ్ నేపథ్యంలో తెరకెక్కుతున్న సంగతి తెలిసిందే. దీనికోసం డైరెక్టర్ సుకుమార్ అధికభాగం కేరళ దట్టమైన అడవులలో షూటింగ్ ప్లాన్ చేశాడు. బన్నీ అల వైకుంఠపురంలో మూవీ ప్రొమోషన్స్ లో బిజీగా ఉన్న సమయంలో సుకుమార్ కేరళలో ఓ షెడ్యూల్ కూడా పూర్తి చేశాడు. తదుపరి షెడ్యూల్ లో బన్నీ జాయిన్ కావాల్సివుండగా కరోనా కలకలం వారి ప్రణాళికకు అడ్డుకట్ట వేసింది. సౌత్ ఇండియాలో మొదటి కేసు కేరళలో నమోదు కావడంతో పాటు..

కరోనా ప్రభావం అధికంగా ఉన్న రాష్ట్రలలో ఒకటిగా ఉంది. లాక్ డౌన్ సడలింపులు ఇచ్చినప్పటికీ ఇతర రాష్ట్రాల్లో షూటింగ్స్ జరిపే పరిస్థితి లేదు. దీనితో సుకుమార్ టీం తెలంగాణలోనే పుష్ప షూటింగ్ ప్లాన్ చేస్తున్నారట. తెలంగాణా రాష్ట్రంలోని నల్గొండ జిల్లా అడవులలో ఈ మూవీ షూటింగ్ ప్లాన్ చేస్తున్నారట. దట్టమైన అడవి ప్రాంతంలో లొకేషన్స్ వెతికే పనిలో సుకుమార్ నిమగ్నం అయినట్లు తెలుస్తుంది. దీని బట్టి చూస్తే సాధ్యమైనంత త్వరగా సుకుమార్ పుష్ప షూటింగ్ మొదలుపెట్టే ఆలోచనలో ఉన్నట్లు సమాచారం.

మైత్రీ మూవీ మేకర్స్ భారీ బడ్జెట్ తో పాన్ ఇండియా మూవీగా పుష్ప ను తెరకెక్కిస్తున్నారు. ఇక ఈ మూవీలో రష్మిక మందాన హీరోయిన్ గా నటిస్తుండగా, దేవిశ్రీ సంగీతం అందిస్తున్నారు. వచ్చే ఏడాది పుష్ప విడుదల కానుంది.

Most Recommended Video

కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే