Sukumar: చరణ్ పై ఇంట్రెస్టింగ్ కామెంట్స్ చేసిన దర్శకుడు సుకుమార్..!

మెగా పవర్ స్టార్ రాంచరణ్ హీరోగా సుకుమార్ డైరెక్షన్లో తెరకెక్కిన ‘రంగస్థలం’ చిత్రం ఎంత పెద్ద హిట్టయ్యిందో ప్రత్యేకంగా చెప్పనవసరం లేదు. రాంచరణ్ కెరీర్ లోనే ఇది బిగ్గెస్ట్ హిట్.. అంతేకాదు నాన్ బాహుబలి ఇండస్ట్రీ హిట్ గా కూడా నిలిచింది. చరణ్ అప్పటివరకూ కమర్షియల్ హీరోగా,మాస్ హీరోగా సక్సెస్ అయినప్పటికీ.. నటన పరంగా ఎన్నో విమర్శలు ఎదుర్కొంటున్న రోజులవి..! ఆ విమర్శలన్నిటికీ ‘రంగస్థలం’ ఫుల్ స్టాప్ పెట్టిందనే చెప్పాలి. వినికిడి ఇబ్బంది(చెవుడు) కలిగిన చిట్టిబాబు పాత్రలో చరణ్ ఈ చిత్రంలో కనిపించాడు.

ఈ పాత్రలో నవ్వించాడు,ఏడిపించాడు,గూజ్ బంప్స్ తెప్పించాడు..అలా ఆ పాత్రకు నూటికి నూరు శాతం చరణ్.. జీవం పోసాడనే చెప్పాలి. ఇదిలా ఉండగా ‘రంగస్థలం’ సినిమా షూటింగ్లో దర్శకుడు సుకుమార్.. చరణ్ కు ఓ సీన్ గురించి వివరించేటప్పుడు చాలా భయపడ్డాడట.ఇంతకీ ఆ సీన్ ఏంటంటే.. కోమాలో ఉన్న ప్రకాష్ రాజ్ పాత్రకు చిట్టిబాబు(చరణ్) అన్ని రకాల సేవలు చేస్తూ ఉంటాడు. అదే టైములో అతను టాయిలెట్ పోసుకున్న కవర్ కూడా తియ్యాలి అని సుకుమార్..

చరణ్ తో చెప్పాలి అనుకున్నాడట. కానీ చరణ్ పెద్ద స్టార్ కాబట్టి.. ఇలాంటి సీన్ గురించి చెబితే అతను చెయ్యడం.. చెయ్యను అని చెప్పడం అనే విషయాలను పక్కన పెట్టి.. ఎక్కడ అలిగి షూటింగ్ ఆపేసి వెళ్ళిపోతాడో అని భయపడ్డాడట. కానీ ఆ సీన్ గురించి చెప్పాక.. ‘చరణ్ చాలా కూల్ గా చేసేద్దాం అని చెప్పి ఆశ్చర్యపరిచాడని.. నటుడుగా అతను చాలా ఎదిగాడు అనడానికి ఇదే నిదర్శనమని’ చెప్పుకొచ్చాడు సుకుమార్.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!