Jayamma Panchayathi Trailer: సుమకి మంచి రీ ఎంట్రీ పడేలా ఉందిగా..!

April 16, 2022 / 11:59 AM ISTByFilmy Focus

Join Us

Jayamma Panchayathi Trailer: సుమకి మంచి రీ ఎంట్రీ పడేలా ఉందిగా..!

బుల్లితెర పై నెంబర్ యాంకర్ గా రాణిస్తూనే మరోపక్క ప్రతీ సినిమా వేడుకలకి హోస్ట్ గా వ్యవహరిస్తూ వస్తున్న సుమ కనకాల తిరిగి సినిమాల్లోకి రీ ఎంట్రీ ఇస్తూ చేస్తున్న చిత్రం ‘జయమ్మ పంచాయితీ’. గతంలో కూడా ఆమె ‘కళ్యాణ ప్రాప్తిరస్తు’ ‘పవిత్ర ప్రేమ’ ‘వర్షం’ ‘బాద్ షా’ ‘రావోయి చందమామ’ ‘స్వరాభిషేకం’ వంటి చిత్రాల్లో నటించింది. అయితే చాలా గ్యాప్ తర్వాత ఆమె ‘జయమ్మ పంచాయితీ’ తో ప్రేక్షకుల ముందుకు రాబోతుంది.

Click Here To Watch NOW

షూటింగ్ మొత్తం పూర్తిచేసుకున్న ఈ చిత్రం విడుదలకు ముస్తాబవుతోంది. దీంతో ప్రమోషన్స్ ను కూడా మొదలుపెట్టారు. ఇందులో భాగంగా ఈ చిత్రం ట్రైలర్ ను పవర్ స్టార్ పవన్ కళ్యాణ్ చేతుల మీదుగా విడుదల చేశారు. ఓ గ్రామ సభ ముందు జయమ్మ లేవనెత్తిన సమస్యను ఈ ట్రైలర్‌లో చూపించారు. జయమ్మ భర్త అనారోగ్యంతో బాధపడుతుంటాడు. ఈ క్రమంలో వారికి ఎదురైన సమస్యలు ఏంటి? వాటిని పరిష్కరించడానికి జయమ్మ ఏం చేసింది అనే పాయింట్ తో ఈ చిత్రం తెరకెక్కింది.

అలాగే మరోపక్క ఒక పూజారి ప్రేమకథని కూడా ట్రైలర్‌లో చూపించారు. రూరల్ కామెడీతో బలమైన ఎమోషన్స్ తో ఈ మూవీ తెరకెక్కినట్టు స్పష్టమవుతుంది.జయమ్మ పాత్రలో సుమ పరకాయ ప్రవేశం చేసినట్టు స్పష్టమవుతుంది. సుమ పలికే కొన్ని బోల్డ్ డైలాగులు ఆకట్టుకునే విధంగా ఉన్నాయి. ఎం.ఎం.కీరవాణి బ్యాక్ గ్రౌండ్ స్కోర్ కూడా ఆకట్టుకునే విధంగా ఉంది. ఈ చిత్రానికి విజయ్ కుమార్ కలివరపు దర్శకత్వం వహించారు.

సినిమాటోగ్రఫర్ అనుష్ కుమార్ విజువల్స్ బాగున్నాయి.’వెన్నెల క్రియేషన్స్‌’ పతాకం పై బలగ ప్రకాష్‌ నిర్మిస్తున్న ఈ విలేజ్‌ డ్రామా మే 6న ప్రపంచవ్యాప్తంగా థియేటర్లలో విడుదల కాబోతుంది.