యాంకర్ సుమ ప్రస్తుతం ‘జయమ్మ పంచాయితీ’ సినిమా ప్రమోషన్స్ లో బిజీగా గడుపుతున్నారు. ఈ క్రమంలో అలీతో సరదాగా షోకి గెస్ట్ గా వచ్చారు సుమ. ఇప్పుడు ఈ షోకి సంబంధించిన ప్రోమో బయటకొచ్చింది. ఇందులో సుమ తన వ్యక్తిగత జీవితానికి సంబంధించిన విషయాల గురించి మాట్లాడారు. తనకు, తన భర్తకు మధ్య వచ్చిన రూమర్ల మీద స్పందించారు. అలీ అడిగిన ప్రశ్నకు సుమ తడుముకోకుండా సమాధానాలు చెప్పారు. కరోనా సమయంలో మీ మీద రూమర్లు వచ్చాయి..
మీ ఇద్దరూ వేర్వేరుగా ఉంటున్నారు.. మీరొక ఇంట్లో, ఆయన మరో ఇంట్లో ఉంటున్నారని వార్తలు వచ్చాయని అలీ అడిగారు. ఇద్దరి మధ్యలో గొడవలు అనేది వాస్తవమే.. ఈ 23 ఏళ్లలో ఎన్ని గొడవలో.. కానీ ఒకటి మాత్రం నిజం.. భార్యాభర్తలుగా విడాకులు తీసుకోవడం సులభమే కానీ.. తల్లిదండ్రులుగా మాత్రం చాాలా కష్టమని సుమ చెప్పుకొచ్చారు. ప్రోమోను అయితే కాంట్రవర్సీగా కట్ చేశారు. అయితే సుమ చెప్పిన మ్యాటర్ ఏంటో తెలియాలంటే ఎపిసోడ్ వచ్చేవరకు ఆగాల్సిందే.
ఇదివరకు రాజీవ్ కనకాల కూడా ఈ విడాకుల విషయంపై స్పందించారు. భార్యాభర్తలన్నాక గొడవలు వస్తుంటాయని.. కానీ మీడియా చెప్పేంత పెద్ద గొడవలు అయితే కావని అన్నారు. ఇప్పుడు సుమ కూడా అలానే రియాక్ట్ అయింది. త్వరలోనే వీరి కుమారుడు హీరోగా సినిమాల్లోకి ఎంట్రీ ఇవ్వబోతున్నారు. తన కొడుకు కోసం విన్న కథ అద్భుతంగా ఉందని సుమ చెప్పింది. త్వరలోనే దీనిపై అఫీషియల్ అనౌన్స్మెంట్ వస్తుందని చెప్పింది. చిన్నప్పటి నుంచి తమ కొడుక్కి సినిమాల మీద ఆసక్తి ఉండేదని.. సినిమాలో హీరోలు చెప్పే డైలాగ్స్ చెప్పేసేవాడని తెలిపింది సుమ.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
