Aham Reboot: సెకండ్ ఇన్నింగ్స్ బాగానే ప్లాన్ చేసుకుంటున్నాడు.!

అక్కినేని ఫ్యామిలీ నుండీ హీరోగా ఎంట్రీ ఇచ్చి.. మొదటి నుండీ వైవిధ్యమైన సినిమాలు చేస్తూ వస్తున్నాడు సుమంత్ (Sumanth) . ‘సత్యం’ (Satyam) ‘గౌరీ’ (Gowri) ‘గోదావరి’ (Godavari) ‘మధుమాసం’ ‘మళ్ళీరావా’ (Malli Raava) ‘గోల్కొండ హైస్కూల్’ (Golconda High School) వంటి హిట్ సినిమాల్లో అతను నటించాడు. ఇంకా కొన్ని మంచి సినిమాలు చేశాడు. కానీ కమర్షియల్ హీరోగా ఎదగలేకపోయాడు. ‘ఎన్టీఆర్ కథానాయకుడు’ (NTR: Kathanayakudu) సినిమాతో కొత్త ఇన్నింగ్స్ స్టార్ట్ చేసిన సుమంత్ ‘సీతా రామం’ (Sita Ramam) ‘సార్’ (Sir) వంటి సినిమాల్లో మంచి మంచి పాత్రలు చేశాడు.

ఈ సినిమాలు సూపర్ హిట్లు అయ్యాయి. దీంతో ఓ పక్క హీరోగా సినిమాలు చేస్తూనే మరోపక్క పేరున్న సినిమాల్లో కీలక పాత్రలు చేస్తున్నాడు. అందువల్ల ఓటీటీ పరంగా అయినా మంచి మార్కెట్ ఉంటుంది. ఇటీవల సుమంత్ హీరోగా ‘అహం రీబూట్’ అనే సినిమా రూపొందింది. ఈ మధ్యనే సైలెంట్ గా ఓటీటీలోకి అందుబాటులోకి వచ్చింది ఈ సినిమా. కేవలం ఒకే పాత్రతో రూపొందిన సినిమా ఇది.జీవితంలో ఫెయిల్ అయ్యి ఆర్జెగా పనిచేస్తున్న నిలయ్ జీవితంలో..

ఒక రాత్రిలో జరిగిన సంఘటనల ఆధారంగా ఈ సినిమా రూపొందింది. నిలయ్ పాత్రలో సుమంత్ ఈ సినిమాలో నటించాడు. జూలై 1న డైరెక్ట్ గా ఓటీటీలో రిలీజ్ అయిన ఈ సినిమాకి 2కోట్ల స్ట్రీమింగ్ మినిట్స్ నమోదైనట్టు తెలుస్తుంది. ‘వాయు పుత్ర ఎంటర్టైన్మెంట్స్’ బ్యానర్ పై యువ నిర్మాత రఘువీర్ గోరిపర్తి ఈ చిత్రాన్ని నిర్మించారు. కేవలం గంటన్నర నిడివి కలిగిన ఈ సినిమాకి ప్రశాంత్ దర్శకుడు.