నారా రోహిత్ (Nara Rohith) .. దాదాపు 6 ఏళ్ళు గ్యాప్ తీసుకున్నాడు. మంచి స్క్రిప్ట్ సెట్ అవ్వక కొన్నాళ్ళు, ఫ్యామిలీ ప్రాబ్లమ్స్ వల్ల కొన్నాళ్ళు, కోవిడ్ వల్ల కొన్నేళ్లు.. సినిమాలకు గ్యాప్ ఇవ్వాల్సి వచ్చింది. ఈ ఏడాది ఎన్నికల టైంలో ‘ప్రతినిథి 2’ (Prathinidhi 2) అనే సినిమాతో రీ ఎంట్రీ ఇచ్చాడు. సినిమా బాగానే ఉంది కానీ.., ఎందుకో అది బాక్సాఫీస్ వద్ద సక్సెస్ కాలేదు. అయితే షార్ట్ గ్యాప్లోనే ఇంకో సినిమాతో ప్రేక్షకుల ముందుకు రాబోతున్నాడు నారా రోహిత్.
ఆ సినిమా పేరు ‘సుందరాకాండ’ (Sundarakanda) . టైటిల్ మంచి పాజిటివ్ గా ఉంది. వెంక‌టేష్ నిమ్మ‌ల‌పూడి ఈ చిత్రంతో ద‌ర్శ‌కుడిగా పరిచయమవుతున్నాడు. తాజాగా టీజర్ ను కూడా వదిలారు. 1 : 29 నిమిషాల నిడివి కలిగిన ఈ టీజర్… ఆద్యంతం వినోదాత్మకంగా సాగింది అని చెప్పాలి. వయసు ముదిరిన హీరోగా నారా రోహిత్ కనిపిస్తున్నాడు. జుట్టుకు రంగేసుకునే కుర్రాడిగా అతను కనిపిస్తున్నాడు. ఇక హీరో తండ్రి పాత్రలో నరేష్ (Naresh) కనిపించనున్నారు.
అసలే కొడుక్కి పెళ్లి కావట్లేదు అని తండ్రి కంగారు పడుతుంటే.. కొడుకేమో తనకు కాబోయే భార్యకి 5 లక్షణాలు ఉండాలి అంటూ షరతులు పెట్టడం.. ఆ తర్వాత వచ్చే ఫన్ కూడా ఆకట్టుకునేలా కనిపిస్తుంది. ఇలాంటి కాన్సెప్ట్..లకు మంచి డిమాండ్ ఉంటుంది. వర్కౌట్ అయితే బాక్సాఫీస్ వద్ద కాసుల వర్షం కురిపించే ఛాన్స్ ఉంది. టీజర్ అయితే పాస్ మార్కులు వేయించుకుందనే చెప్పాలి. మరి నారా రోహిత్ కి హిట్ ఇస్తుందో లేదో చూడాలి.
