సునీల్ మార్క్ కామెడీ తో జక్కన్న

అందాల రాముడు సునీల్ కి నవ్వించడంలో ప్రత్యేకమైన స్టైల్ ఉంది. హీరో గా ఎదిగిన తర్వాత యాక్షన్ కి ప్రాముఖ్యతను ఇచ్చాడు. తన గత చిత్రాలు భీమవరం బుల్లోడు, కృష్ణాష్టమి ఊహించనంతగా విజయం అందుకోక పోవడంతో సునీల్ తన ఒరిజినల్ స్టయిల్ ని మళ్లీ తెరపైన ప్రదర్శించాడు. అతను నటించిన తాజా చిత్రం “జక్కన్న” ట్రైలర్ శుక్రవారం సాయంత్రం విడుదలైంది.

ఇందులో సునీల్ పంచ్ లు చూస్తుంటే హిట్ అందుకోవడం గ్యారంటీ అనిపిస్తోంది. ఈ సినిమాలో పృధ్వి, సప్తగిరి, పోసాని తో పాటు సునీల్ పోటీ పడి నవ్వించనున్నట్లు తెలుస్తోంది. అంతేకాదు ఓ వైపు మన్నారా చోప్రా తో రొమాన్స్ చేస్తూనే .. అవసరమైనప్పుడు యాక్షన్ సీన్లలో అదరగొట్టనున్నట్లు అర్థమౌతోంది. దీంతో ట్రైలర్ ని చూసే వారి సంఖ్య గంట గంటకు పెరుగుతోంది.

జక్కన్నకు కొత్త సంగీత దర్శకుడు దినేష్ అందించిన పాటలు యూత్ ని విశేషంగా ఆకట్టుకున్నాయి. వంశీకృష్ణ ఆకెళ్ల దర్శకత్వంలో రూపొందిన ఈ సినిమాని సుదర్శన్ రెడ్డి నిర్మించారు. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రం వచ్చే నెలలో విడుదల కానుంది.

https://www.youtube.com/watch?v=KBGX6T0JYvY