హాస్యనటుడుగా ఫుల్ బిజీగా ఉన్న సునీల్ హీరో గా మారి హిట్స్ అందుకున్నారు. తర్వాత వరుసగా అపజయాలు చూసి ఇబ్బందిలో పడ్డారు. ఇక చాలా వేగంగా హీరోగా సినిమాలు చేసి, విజయాలు అందుకున్న నరేష్ కి ఇప్పుడు హిట్ లభించడం లేదు. దీంతో ఇద్దరూ కలవనున్నారు. మంచి కథతో రెండున్నర గంటల సేపు నవించడానికి సిద్ధమయ్యారు. ప్రముఖ దర్శకుడు భీమనేని శ్రీనివాస్ ఈ కామెడీ మల్టి స్టారర్ ని తెరకెక్కించబోతున్నట్లు ఫిలిం నగర్ వాసులు చెప్పారు. ఆయన తెలుగులో తీసిన సుడిగాడు (రీమేక్ ) సినిమాకి తమిళ్ లో సీక్వెల్ రూపొందుతోంది. దీంతో భీమనేని ఆ సినిమా విడుదల కాకముందే రీమేక్ హక్కులను దక్కించుకొని సినిమాను తెరకెక్కించాలని డిసైడ్ అయ్యారు. ఇప్పటికే సునీల్, నరేష్ లకు కథను కూడా చెప్పినట్లు సమాచారం.
ప్రీ ప్రొడక్షన్ జరుపుకున్న ఈ సినిమా జనవరిలోనే సెట్స్ పైకి వెళ్లనుంది. ఇక సునీల్ శంకర్ దర్శకత్వంలో నటించిన మూవీ రేపు రిలీజ్ కానుంది. “2 కంట్రీస్‌” మలయాళంలో పెద్ద హిట్ సినిమా. తెలుగులో అదే టైటిల్‌తో రీమేక్ చేశారు. దీనిపై సునీల్ అసలు పెట్టుకున్నారు. అల్లరి నరేష్ విషయానికి వస్తే హిట్స్ లేకపోవడంతో మహేష్ బాబుకి ఫ్రెండ్ గా నటించడానికి సిద్ధమయ్యారు. వంశీ పైడిపల్లి తెరకెక్కనున్న మహేష్ 25 వ సినిమాకోసం బరువు పెరుగుతున్నారు.
