Sunil: ముచ్చటగా మూడోసారి.. ఈసారైనా త్రివిక్రమ్ గట్టెక్కిస్తాడా..!

టాలీవుడ్ సూపర్ స్టార్ మహేష్ బాబు, మాటల మాంత్రికుడు త్రివిక్రమ్ కాంబినేషన్లో ఓ మూవీ రూపొందనున్న సంగతి తెలిసిందే. ‘హారిక అండ్ హాసిని క్రియేషన్స్’ వారు ఈ చిత్రాన్ని నిర్మించబోతున్నారు. ఈ మధ్యనే ఈ ప్రాజెక్టుకు సంబంధించిన అధికారిక ప్రకటన వచ్చిన సంగతి తెలిసిందే. ‘అతడు’ ‘ఖలేజా’ వంటి క్లాసిక్స్ గతంలో ఈ కాంబినేషన్ నుండీ రావడంతో.. ఇప్పుడు రాబోయే సినిమా పై భారీ హైప్ ఏర్పడింది. ఇదిలా ఉండగా.. ఈ చిత్రంలో మరో హీరోకి కూడా అవకాశం ఉందట.

అందుకోసం సుధీర్ బాబు, సుమంత్ వంటి హీరోల పేర్లు వినిపిస్తున్నాయి. అయితే మేకర్స్ ఇంకా వాళ్ళు నటిస్తున్నట్టు అధికారిక ప్రకటన చేయలేదు. కానీ ఈ సినిమాలో సునీల్ మాత్రం నటిస్తున్నట్టు టాక్ బలంగా వినిపిస్తోంది. హీరో నుండీ మళ్ళీ కమెడియన్ గా మారాలి అని సునీల్ డిసైడ్ అయినప్పుడు.. త్రివిక్రమ్ తన ‘అరవింద సమేత’ లో ఛాన్స్ ఇచ్చాడు. ఆ చిత్రంలో సునీల్ పాత్ర.. ‘అతడు’ లో సునీల్ పోషించిన రమణ పాత్ర రేంజ్లో పేలుతుంది అని కాన్ఫిడెంట్ గా చెప్పారు కానీ ఆ స్థాయిలో అయితే ఆ పాత్ర పండలేదు.

ఇక ‘అల వైకుంఠపురములో’ సినిమాలో కూడా సునీల్ కు త్రివిక్రమ్ ఛాన్స్ ఇచ్చాడు కానీ ఆ సినిమాలో అతను ఉన్నట్టు కూడా జనాలు గుర్తు పెట్టుకోలేదు. మరి మహేష్ సినిమాలో అయినా సునీల్ కు త్రివిక్రమ్ మంచి పాత్ర డిజైన్ చేశాడా? లేక నామ్ కె పాస్ అన్నట్టు.. సరిపెట్టేస్తాడా? అనేది తెలియాల్సి ఉంది.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!