అల.. వైకుంఠపురములో’.. బన్నీ కోసం సూపర్ స్టార్ వస్తున్నాడు!

స్టైలిష్ స్టార్ అల్లు అర్జున్, త్రివిక్రమ్ కాంబినేషన్ లో తెరకెక్కిన ‘అల.. వైకుంఠపురములో’ సినిమా జనవరి 12న ప్రేక్షకుల ముందుకు రానుంది. ఈ సినిమా ప్రమోషన్స్ లో బిజీగా గడుపుతున్నాడు బన్నీ. ఇప్పుడు తనకు ముఖ్యమైన మాలీవుడ్ పై దృష్టి పెట్టాడు. అక్కడ ఓ భారీ ఈవెంట్ ని ప్లాన్ చేస్తున్నాడు. మలయాళంలోలో బన్నీకి సెపరేట్ ఫ్యాన్ బేస్ ఉంది. అక్కడ అందరూ అల్లు అర్జున్ ని మల్లు అర్జున్ అని పిలుచుకుంటారు.

దీంతో తన సినిమాలను అక్కడ కూడా రిలీజ్ చేస్తున్నాడు. కేరళలో కూడా సినిమాని భారీగా ప్రమోట్ చేయాలనుకున్నాడు. కానీ అంత సమయం లేకపోవడంతో ఓ స్టార్ హోటల్ లో భారీ ప్రెస్ మీట్ పెట్టి దానికి మలయాళ సూపర్ స్టార్ మోహన్ లాల్ ని గెస్ట్ గా పిలవాలని నిర్ణయించుకున్నాడు. నిజానికి ఈ ప్లానింగ్ మొత్తం అల్లు అరవింద్ చేసినట్లు తెలుస్తోంది. బన్నీ ప్రెస్ మీట్ కి మోహన్ లాల్ వస్తే మలయాళీ ప్రేక్షకుల దృష్టి సినిమాపై పడుతుందని భావిస్తున్నారు. మోహన్ లాల్ కూడా రావడానికి అంగీకరించినట్లు సమాచారం. అయితే కార్యక్రమం ఏరోజు జరుగుతుందనే విషయంలో రేపటిలోగా క్లారిటీ రానుంది.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!