మాస్ సినిమాలకు అతను కేర్ ఆఫ్ అడ్రెస్.అందులోనూ పోలీస్ కథలను డీల్ చెయ్యడంలో సిద్ధహస్తుడు. సూర్యతో ‘సింగం’ సిరీస్ ను తెరకెక్కించి దేశవ్యాప్తంగా పాపులర్ అయిన దర్శకుడు హరి అందరికీ సుపరిచితమే.! ఇతను తెరకెక్కించిన ‘సామి’ సినిమానే మన తెలుగులో బాలయ్యతో ‘లక్ష్మీ నరసింహ’ గా రీమేక్ చేసారు. పోలీస్ కథలంటే.. ఇలాగే ఉండాలి.. అన్నట్టు ‘యముడు’ ‘సింగం’ ‘సింగం3’ చిత్రాలను మనకందించాడు హరి. సూర్య మార్కెట్ ను పెంచిన సినిమాలు కూడా ఇవే అని చెప్పాలి.
అలాంటి దర్శకుడు ఇటీవల పోలీసులపై చేసిన కామెంట్స్ వివాదాలకు తెరలేపాయి అనే చెప్పాలి. అయినప్పటికీ ఇతనికి మద్దతు లభిస్తుండడం విశేషం. వివరాల్లోకి వెళితే..ఇటీవల త‌మిళ‌నాడులోని తూత్తుకుడి జిల్లాలో.. జ‌య‌రాజ్, ఫీనిక్స్ అనే తండ్రీ కొడుకులు లాక్ డౌన్ టైంలో పోలీసులు పర్మిషన్ ఇచ్చిన టైం కంటే ఎక్కువ సేపు షాప్ తెరిచారట. అందుకుగాను పోలీసులు వారిని కొట్టారని తెలుస్తుంది. ఆ క్రమంలో ‘షాప్ కట్టేస్తున్నాం కదా.. ఇంకా కొడతారు ఏంటి?’ అని వారు ప్రశ్నించగా..
పోలీసులు మరింత కక్ష పెంచుకుని వారిని స్టేషన్ కు తీసుకెళ్లి చితక్కొట్టి.. వారి ప్రాణాలు కోల్పోవడానికి కారణం అయ్యారని తెలుస్తుంది. ఈ సంఘటన పెద్ద దుమారాన్నే రేపింది. ఈ విషయం పై హరి స్పందిస్తూ.. “పోలీస్ లను హీరోలుగా చూపిస్తూ నేను ఐదు సినిమాలు తీసాను. అందుకు నిజంగా సిగ్గుపడుతున్నాను. ఇలాంటి దారుణాలు ఎక్కడా జరగకూడదు. పోలీసుల వల్ల వ్యవస్థకి కూడా చెడ్డపేరు వస్తుంది” అంటూ కామెంట్స్ చేసాడు.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
