పవన్, మహేష్, ఎన్టీఆర్ లకు షాకిచ్చిన సూర్య!

కోలీవుడ్ హీరో సూర్య కి తెలుగులోనూ భారీ క్రేజ్ ఉంది. అతని చిత్రాలు ఇక్కడ స్ట్రైట్ చిత్రంలా కలక్షన్స్ సాధిస్తాయి. తాజాగా అతను టాలీవుడ్ హీరోలకు షాక్ ఇచ్చారు. విగ్నేష్ దర్శకత్వంలో సూర్య తానా సేద కూటం అనే సినిమా చేశారు. దీనిని తెలుగులో గ్యాంగ్ గా రిలీజ్ చేయబోతున్నారు. గ్యాంగ్ టీజర్ గత బుధవారం రిలీజ్ అయి రికార్డ్ సృష్టించింది. ఈటీజర్ 24 గంటల వ్యవధిలో 2.03 లక్షల లైక్స్ తెచ్చుకుంది.   24 గంటల్లో వ్యూస్ 10 లక్షలు దాటేయడం విశేషం. ఇప్పటిదాకా ఏ తెలుగు సినిమా టీజర్‌ కూ 24 గంటల్లో ఇన్ని లైక్స్ రాలేదని సోషల్ మీడియాలో సూర్య అభిమానులు సందడి చేశారు.

ఇప్పటిదాకా ఎన్టీఆర్ సినిమా ‘జై లవకుశ’ టీజర్ 24 గంటల్లో 1.92 లైక్స్ తెచ్చుచుకుని మొదటి స్థానంలో నిలిచింది. ఆ స్థానాన్ని సూర్య తన్నుకుపోయాడు. 1.9 లక్షల లైక్స్‌తో రెండో స్థానంలో ఉన్న మహేష్ బాబు ‘స్పైడర్’ టీజర్  మూడవ స్థానానికి పరిమితమైంది. 1.46 లక్షల లైక్స్‌‌ తో టాప్ త్రీలో ఉన్న పవన్ “కాటమరాయుడు” టీజర్ ఒక స్థానం వెనక్కి వెళ్ళింది. అయితే నేడు రిలీజ్ కానున్న పవన్ కళ్యాణ్ అజ్ఞాతవాసి ఈ రికార్డులన్నింటినీ తిరగరాయడం గ్యారంటీ అని పవన్ ఫ్యాన్స్ ధీమా వ్యక్తం చేస్తున్నారు. అజ్ఞాతవాసి టీజర్ ఎన్ని రికార్డులను బద్దలుకొడుతుందో కొన్ని గంటల్లోనే తెలియనుంది.