చిత్ర పరిశ్రమలో గత కొన్నాళ్లుగా కరోనా కేసులు ఏమీ లేవు. హమ్మయ్య అని అందరూ ఊపిరి పీల్చుకుంటున్న సమయంలో మరోసారి కరోనా అలజడి మొదలైంది. ప్రముఖ కథానాయకుడు సూర్యకి కరోనా సోకింది. ఈ విషయాన్ని సూర్యనే సోషల్ మీడియాలో తెలియజేశాడు. కరోనా విషయంలో ఎవరూ అలసత్వం ప్రదర్శించ వద్దని, జాగ్రత్తగా ఉండాలని సూచించాడు.
“నేను కరోనాతో బాధపడుతున్నాను. ప్రస్తుతం ఆసుపత్రిలో కోలుకుంటున్నా. మన జీవితాలు కరోనా నుంచి ఇంకా బయటపడలేదు. అలాగని ఎవరూ భయపడవద్దు. కరోనా సోకకుండా తగిన జాగ్రత్తలు తీసుకోవాలి. కరోనా నుంచి కోలుకోవడానికి కృషి చేస్తున్న వైద్య సిబ్బందికి ధన్యవాదాలు” – సూర్య, కథానాయకుడు
కరోనా పీక్స్లో ఉన్నప్పుడు దేశ వ్యాప్తంగా చాలామంది నటులు కూడా కరోనా బారిన పడ్డారు. అయితే ఇటీవల కాలంలో కేసులు తగ్గుముఖం పట్టడంతో సినిమా చిత్రీకరణ ఊపందుకుంది. ఈ క్రమంలోనే సూర్య కూడా సినిమా పనుల్లో పడ్డాడు. ఈ నేపథ్యంలో సూర్యకి కరోనా సోకినట్లు తెలుస్తోంది. సూర్య త్వరగా కొవిడ్ నుంచి కోలుకోవాలని అభిమానులు ఆశిస్తున్నారు.
Most Recommended Video
జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?
