ఆశ్చర్యపరుస్తున్న ఓ బేబీ మూవీ కలెక్షన్స్

స్టార్ హీరోయిన్ల సంపాదన కోట్లలో ఉంటుందనే విషయం అందరికీ తెలిసిందే. ఆ లిస్ట్ లో సమంత ఎప్పుడో చేరిందనుకోండి. అయితే.. ఇప్పుడు అమ్మడి సంపాదన సినిమాకి కోటి కాదు.. రోజుకి కోటిలా మారింది. మారు నమ్మినా నమ్మకపోయినా ఇది నిజం. సమంత సంపాదన రోజుకి కోటి. అయితే.. అది ఆమె పర్సనల్ గా సంపాదించే ఎమౌంట్ కాదండోయ్.. ఆమె నటించిన “ఓ బేబీ” సినిమా కలెక్షన్స్. జూలై 5న విడుదలైన ఈ చిత్రం నిన్నటివరకూ రోజుకో కోటి చొప్పున అక్షరాల 17 కోట్ల రూపాయలు సంపాదించింది.

ఏపీ, తెలంగాణ మరియు ఓవర్సీస్ అన్నీ కలుపుకొని.. మొత్తం 17 రోజుల్లో 17 కోట్ల రూపాయల షేర్ ను సాధించింది ఓ బేబీ చిత్రం. గత కొంత కాలంగా సరైన హిట్ లేక బాధపడుతున్న నందిని రెడ్డికి బ్లాక్ బస్టర్ హిట్ తెచ్చిపెట్టడమే కాక.. నాగశౌర్యకు కూడా ఈ సినిమా బాగా ప్లస్ అయ్యింది. సమంత సినిమాలు ఇదే స్పీడ్ తో ఇంకొన్నాళ్లు ఆడాయంటే.. తెలుగు సినిమాకి మరో లేడీ సూపర్ స్టార్ దొరికేసిందని ఫిక్స్ అయిపోవచ్చు.