టాలీవుడ్ నుంచి బాలీవుడ్ వరకూ ఎంత చూపిస్తే అంత క్రేజ్. అదీ ఇప్పుడున్న ట్రెండ్. అంతేకాదు, ఎవ్వరూ ఎక్కువగా చూపిస్తే వారికే మాస్ అభిమానులు పట్టం కడతారు అనడంలో ఏమాత్రం సందేహం లేదు. అయితే అదే క్రమంలో చీర కట్టుకుని, బొట్టు పెట్టుకుని బాపు బొమ్మలాగా నటిస్తే నడిచే కాలం కాది ఇది. అంటే కాకుండా మడి, కట్టుకుని కూర్చుంటా, జడ వేసుకునే స్క్రీన్ పై కనిపిస్తే అంటే అస్సలు కుదరదు. మరి ఇలాంటి పరిస్థితుల్లో ఉన్న మన పరిశ్రమల్లో బూతు సినిమాలు, బూతు పాత్రలు షరా మామూలే, కానీ అలాంటి సినిమాల్లో నటించే చాన్స్ వచ్చినా అవసరం లేదు అంటుంది ఒక అందాల భామ.
ఇంతకీ ఎవరు ఆ భామ? ఏమిటి ఆ కధ అంటే, ఒక్కసారి ఈ మ్యాటర్ చదవండి మీకే పూర్తి క్లారిటీ వచ్చేస్తుంది. తెలుగు బుల్లితెరపై చిన్నతనంలోనే యాంకర్ గా రాణిస్తూ బాగా పాపులర్ అయిన కలర్స్ స్వాతి, క్రమక్రమంగా హీరోయిన్ గా టాలీవుడ్ లో ఎంట్రీ ఇచ్చింది. అష్టాచమ్మ, స్వామిరారా, త్రిపుర లాంటి సినిమాలతో తెలుగు ప్రేక్షకులకు బాగా ఆకట్టుకుంది. అంతే కాదు తమిళ, మలయాళంలో కూడా తన సత్తా చాటింది స్వాతి. అయితే అలాంటి ఈ ముద్దు గుమ్మ తనకు ఓ సినిమాలో ఆఫర్ వస్తే నో అని చెప్పిందట. ఇంతకీ ఆ సినిమా ఏంటంటే, బాలీవుడ్ లో అడల్ట్ కాంటెంట్ గా రూపొందిన హంటర్ చిత్రాన్ని తెలుగు లో రిమేక్ గా ‘బాబు బాగా బిజీ’ చిత్రం.
ఈ చిత్రం కోసం ఓ క్యారెక్టర్ లో నటించమని స్వాతికి ఆఫర్ వచ్చిందట..కానీ తన ఇమేజ్ కి డ్యామేజ్ వస్తుందని ఆ క్యారెక్టర్ రిజెక్ట్ చేసిందట. హిందీలో రాధికా ఆప్టే పోషించిన పాత్ర ని తెలుగులో కలర్స్ స్వాతి చేత చేయించాలని దర్శక నిర్మాతలు వెళ్లారట ! అయితే కథ విన్నాక ఇలాంటి సినిమాలు చేసేది లేదని తేల్చి చెప్పడంతో ఆ పాత్రలో మిస్తీ చక్రవర్తి ని తీసుకున్నారు. అసలే కలి కాలం ఇలాంటి పాత్రలే ఏలుతున్న కాలం, మరి ఇలాంటి సమయంలో నో చెబితే సరైన అవకాశాలు వస్తాయో రావో అని కాస్త ఆలోచించమ్మా అంటున్నాయి టాలీవుడ్ వర్గాలు.
Also, do SUBSCRIBE to our YouTube channel to get latest Tollywood updates.
