టాలీవుడ్ లో ఉన్న బడా నిర్మాణ సంస్థల్లో ‘సితార ఎంటర్టైన్మెంట్స్’ ఒకటి. ఈ బ్యానర్ పై ఏ సినిమా రూపొందినా మినిమం గ్యారెంటీ అనే నమ్మకం ప్రేక్షకుల్లో నెలకొంది. ఈ ఏడాది ఈ బ్యానర్ నుండి వచ్చిన ‘డీజే టిల్లు’ ‘భీమ్లా నాయక్’ సినిమాలు మంచి విజయాన్ని అందుకున్నాయి. ఇప్పుడు దసరా కానుకగా ‘స్వాతిముత్యం’ అనే మరో మూవీ ప్రేక్షకులకు అందించనుంది ఈ సంస్థ. బెల్లంకొండ గణేష్ హీరోగా వర్ష బొల్లమ హీరోయిన్ గా రూపొందిన ఈ చిత్రం టైటిల్ మరియు ఫస్ట్ లుక్ తోనే అందరి దృష్టిని ఆకర్షించింది.
టీజర్ కూడా ఆకట్టుకోవడంతో అంచనాలు పెరిగాయి. తాజాగా ఈ చిత్రం నుండి ట్రైలర్ను కూడా విడుదల చేసింది చిత్ర బృందం. ఇప్పటివరకు ‘స్వాతిముత్యం’ అంటే కమల్హాసన్ మాత్రమే గుర్తుకొచ్చేవారు. కానీ ఇప్పుడు బెల్లంకొండ గణేష్ ను ‘స్వాతిముత్యం’ గా చూడబోతున్నాం. హీరోగా అతనికి ఇది మొదటి చిత్రం. ఇక ఈ చిత్రం కథ హీరో అమాయకత్వం చుట్టూ, అతని పెళ్లి చుట్టూ తిరుగుతుంది అని ట్రైలర్ స్పష్టం చేసింది.ట్రైలర్ లో వెన్నెల కిశోర్, రావు రమేష్ ల ఫన్ హైలెట్ గా నిలిచింది.
ట్రైలర్ అయితే ఇంప్రెసివ్ గా ఉండడమే కాకుండా సినిమా చూడాలనే ఆసక్తిని కూడా పెంచే విధంగా ఉందని చెప్పొచ్చు.’గాడ్ ఫాదర్’ ‘ఘోస్ట్’ వంటి పెద్ద సినిమాలతో పోటీగా ఈ మూవీ రిలీజ్ అవుతుంది అంటే ఆ రేంజ్ స్టఫ్ ఈ మూవీలో ఉందని ట్రైలర్ తో క్లారిటీ వచ్చింది. అక్టోబర్ 5న విజయదశమి కానుకగా ఈ మూవీ రిలీజ్ కాబోతుంది. లక్ష్మణ్ కె. కృష్ణ ఈ మూవీకి దర్శకుడు. ట్రైలర్ ను మీరు కూడా ఓ లుక్కేయండి :
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
